PROVERBIOS 22:22 - Biblia Guarani Tumpa Iñee

²² Agüɨye mbae eñomi paravete vae güi paravete güiño, agüɨye erekoasɨ katu mbɨatɨtɨ rupi oiko vae oporojäa vae reta jóvai,

PROVERBIOS 22:22 ပူးပေါင်းရင်းမြစ်များ

JOB 31:16

Paravete vae reta amborɨ mbae oata chupe yave, mbaetɨ amaeño imemano vae reta oiporara yɨmbɨaɨ.

JOB 31:21

Mbaetɨ amomburu tɨ̈reɨ, aecha tëi mburuvicha oporojäa vae reta ipuere chemborɨ.

ÉXODO 23:3

ërei paravete vae oñeapo yave, agüɨye pemborɨ paravete güiño.

ÉXODO 23:6

Agüɨye perova paravete vae iñeapo chugüi.

PROVERBIOS 21:7

Iyoa vae reta jeko pɨ̈chɨi rupi aeño oñemokañɨteita, mbaetɨ oipota jupi vae oyapo reta jeko pegua.

PROVERBIOS 22:16

Oyemboikokatu vaerä paravete vae omombaravɨkɨasɨ katu ani omee oikokatu vae pe vae, iparaveteta ko opɨta.

ISAÍAS 10:2

mbaetɨ vaerä peyapo jupi vae paravete vae reta pe, pemboeteä etei vaerä paravete vae reta kuae tëta chembae vae pegua, peyuvanga vaerä imemano vae reta re, pepɨ̈ro vaerä mbae tɨ̈reɨ reta güi!

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 25:17

Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

DEUTERONOMIO 23:16

Toiko pepɨte pe tëta ipöra chupea pe, jae oiparavoa pe, agüɨye kia tomoambeko.