PROVERBIOS 21:4 - Biblia Guarani Tumpa Iñee

⁴ Yembotuicha jare pɨayemboete, jare iyoa vae reta iyemongeta, mbaeyoa ko kuae reta.

PROVERBIOS 21:4 ပူးပေါင်းရင်းမြစ်များ

JOB 18:5

Añete, iyoa vae reta iara opata, tata opa ogüe vae ramita ko.

JOB 18:6

Tembipe okañɨta jo pe, imechero ogüeta chugüi.

SALMOS 10:4

Jeko kavimbae, ipɨayemboete yae jeko pegua mbaetɨ ndereeka cheRu Tumpa; mbaetɨ oipoɨu ndegüi.

SALMOS 101:5

Amokañɨteita jókuae japicha omoërakua pɨ̈chɨi vae; ¡mbaetɨta chepɨaguasu jókuae ipɨayemboete jare iyembotuicha vae pe!

SALMOS 131:1

CheYa, mbaetɨ chepɨayemboete, mbaetɨ aipotarai mbae re amae, mbaetɨ aeka mbae tuicha vae cheyeupe.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

PROVERBIOS 24:20

Echa jeko kavimbae reta, ngaraa yogüɨreko kavi, ngaraa yogüɨreko puku iyoa vae reta.

PROVERBIOS 30:13

Oime amogüe ipɨayemboete yae vae, jare omae ïru vae re oyembotuicha reve.

PROVERBIOS 6:16

Oime ova mbaembae yandeYa güɨröɨro vae, jare chiúa pɨ̈chɨi yae ete jesa róvai; jae ko:

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

PROVERBIOS 8:13

YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 3:16

YandeYa jei ye: “Kuña reta Sión pegua, iyemboete iyé vae reta, iñäka oupi avei oguata vae reta, jesäɨ mbokere reve, opɨ̈ro pɨi pɨi oguata vae reta, jare omochinini ipɨ imopöraka oguata reta yave;

San Lucas 11:34

Yanderesa ko tembipe rami yanderete peguarä. Jayave, nderesa ikavi yave nderete tɨnɨe ko tembipe pe. Ërei nderesa ikaviä yave, nderete tɨnɨe ko pɨtumimbi pe.

San Lucas 18:14

Che jae peve, Tumpa iñɨ̈ro jókuae mburuvicha peguarä okovara vae pe iyoa re, jökorai ojo ye jëta pe. Ërei mbaetɨ iñɨ̈ro jókuae fariseo pe iyoa re. Echa kia nunga oyembotuicha vae, oñemomichiukata ko. Jare oñemomichi vae, oyembotuichaukata ko.”

Romanos 14:23

Ërei ipɨa pe oyemongeta jaekaviä ko jókuae jou vae yave, oyemboeko ma ko, echa mbaetɨ oyapo güɨrovia reve kavi. Opaete mbaetɨ yayapo mborogüɨrovia reve vae, mbaeyoa ko.

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”