PROVERBIOS 21:27 - Biblia Guarani Tumpa Iñee

²⁷ Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

PROVERBIOS 21:27 ပူးပေါင်းရင်းမြစ်များ

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

PROVERBIOS 7:14

“Che añererökuavee amee vaerä mɨmba oyeyukagüe yembopɨakatu pegua, kuae ara ambopo ma jókuae añererökuavee vae.

ECLESIASTÉS 5:1

Reo Tumpa jo pe yave, eyeandu reve eiko: Eya katu reyeapɨsaka vaerä, agüɨye eya mɨmba oyeyukagüe remee vaeräño, jókuae kuimbae reta yarakuaambae omee rami, echa mbaetɨ oikuaa reta ikavimbae ko oyapo ñogüɨnoi vae.

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

NÚMEROS 16:15

Jayave Moisés iyarasɨ yae ete, jare jei yandeYa pe: —¡Agüɨye emae mbota güerugüe reta re! Mbaetɨ ko apɨ̈ro metei mburika ave yepe chugüi reta, jare metei vae pe ave mbaetɨ ayapo ikavimbae.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.