PROVERBIOS 21:2 - Biblia Guarani Tumpa Iñee

² Kuimbae pe ikaviecha opaete mbae oyapo vae, ërei yandeYa ko oikuaa opaete mbae oyeapo vae.

PROVERBIOS 21:2 ပူးပေါင်းရင်းမြစ်များ

JOB 31:6

Tumpa tachejäa imbaejäaka jupi vae pe, jare jökorai toikuaa cherekombae vae.

SALMOS 36:2

Omboyukɨ iñee iyeupe aeño, kërai iyoa mbaetɨta oñeväe jare oñereröɨro chugüi.

PROVERBIOS 12:15

Yarakuaambae, sɨmbi rupi kaviecha ko oiko iyeupe, ërei yemboarakuaa re oyeapɨsaka vae, yarakuaa ko.

PROVERBIOS 16:2

Kuimbae pe, ikaviecha opaete mbae oyapo vae, ërei yandeYa ko oikuaa, opaete mbae oyeapo vae.

PROVERBIOS 16:25

Oime tape ikaviecha kuimbae pe vae; ërei tape kañɨtei kotɨ ojo vae ko.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

PROVERBIOS 20:6

Jeta kuimbae reta jei iyeupe ipɨakavi yae ko vae, ërei kuimbae añete vae, ¿kia pa oväeta?

PROVERBIOS 24:12

Echa rere yave: “Mbaetɨ etei ko aikuaa kuae re”, teko reta ojäa vae oikuaata ko; oikuaa kavita ko omae oï nderé vae, omboekovia teko reta oï rupi vae.

PROVERBIOS 30:12

Oime amogüe, mbaetɨ etei jeko omae iyé vae, ërei mbaetɨ ave yepe oyetɨo oï iyoa güi.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

DANIEL 5:27

TEKEL: Reñejäauka mbaejäaka pe, jare oata yae ndepoɨ.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”