PROVERBIOS 20:7 - Biblia Guarani Tumpa Iñee

⁷ ¡Kuimbae jupi rupi kavi oiko vae, taɨgüe reta oyerovia katu reve kavi yogüɨrekota jae jaɨkue rupi!

PROVERBIOS 20:7 ပူးပေါင်းရင်းမြစ်များ

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

SALMOS 112:2

Iñemuña reta imbaepuere yaeta kuae ɨvɨ pe, jupi vae reta iñemuña oyerovia katuta.

SALMOS 15:2

Jaeño, oiko jupi rupi vae jare oyapo ikavi vae; imiari añetegüe ipɨa jupi reve kavi vae.

SALMOS 26:1

CheYa Tumpa, chejäa, echa che aiko jupi rupi; ndereño etei che ayeko.

SALMOS 26:11

Ërei che aikota jupi rupi; ¡chereepɨ, cheparareko!

SALMOS 37:26

Ara ñavo iporoparareko jare oiporuka mbae, iñemuña reta yogüɨreko iporerekua vaerä.

PROVERBIOS 13:22

Ipɨakavi vae, oeyata jɨmɨmino reta pe mbaeyekou, ërei iyoa vae reta imbaeyekou, opɨtata jupi vae reta imbaerä.

PROVERBIOS 14:2

Jupi rupi oiko vae, oipoɨu yandeYa güi; ërei jeko kavimbae, güɨröɨro.

PROVERBIOS 14:26

YandeYa güi oipoɨu vae, mɨ̈rata ko, jae ko taɨ reta iñepɨ̈roa.

PROVERBIOS 19:1

Ikaviño ko paravete reve jupi rupi oiko vae, ipɨapochɨ jare indaye pota yae vae güi.

ISAÍAS 33:15

Jupi rupi oiko vae jare jupi rupi imiari vae, güɨröɨro yemboikokatu maepɨ̈ro rupi vae, mbaetɨ omomora mbae oyemboepɨ vɨari vae, mbaetɨ oyeapɨsaka yemongeta ikavimbae pegua vae re vae, jare mbaetɨ omae ipɨa pe ikavimbae re vae;

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Hechos 2:39

Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.