PROVERBIOS 20:6 - Biblia Guarani Tumpa Iñee

⁶ Jeta kuimbae reta jei iyeupe ipɨakavi yae ko vae, ërei kuimbae añete vae, ¿kia pa oväeta?

PROVERBIOS 20:6 ပူးပေါင်းရင်းမြစ်များ

SALMOS 12:1

OreYa Tumpa, orereroasayepe, echa mbaetɨve ma jupi rupi yogüɨreko ndeve vae, opa ma okañɨ kuimbae reta ipɨte güi.

SALMOS 12:2

Iyapu päve oyoupe reta; omboyukɨ imiari reta oyoupe, iyemongeta ambuaeyee reve.

PROVERBIOS 20:5

Kuimbae iyemongeta reta ipɨa pegua, ɨ tɨpɨ yae vae rami ko, ërei kuimbae yarakuaa katu vae, oikuaata jókuae.

PROVERBIOS 25:14

Amapɨtu ɨvɨtu reve vae okɨä, jökorai ko kuimbae, oyemboete reve güɨrökuavee mbae omee vaerä vae, ërei mbaetɨi omee.

PROVERBIOS 27:2

Ïru vae reta tandemboete, agüɨye nde aeño eyemboete.

ECLESIASTÉS 7:28

¡Mbaetɨño aväe jókuae añetete aeka vae! Mil kuimbae güi aväe chupe metei, ërei metei ave kuña mbaetɨ aväe opaete vae güi.

JEREMÍAS 5:1

YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

MIQUEAS 7:1

¡Tataɨ re! Kuaraɨ guasu pe temitɨ iagüe oeka vae rami ko aï, uva iagüe re oyevɨka reta vae rami, ërei mbaetɨ etei kërai yepe aväe; ayúe tëi mbaagüɨyerɨpɨ.

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

San Mateo 6:2

Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

San Lucas 18:28

Jayave Pedro jei Jesús pe: —Mase, ore roeya opaete orembaembae royu vaerä nderupíe.

San Lucas 18:8

Che jae peve, jarembae voi ko oepɨ retata. Ërei che Kuimbaerä ayeapo vae ayu ye yave, ¿aväeta ra oporogüɨrovia vae reta?”

San Lucas 22:33

Jayave Pedro jei Jesús pe: —CheYa, ajata ko nde ndive, mbaetɨta tembipɨɨrɨru peño, tamano vi nde ndive.

San Juan 1:47

Jesús oecha Natanael ou ikotɨ yave, jei: —Mase, ko ou metei Israel pegua añete vae. Mbaetɨ oñeväe yembotavɨ jese vae.

2 Corintios 12:11

Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.