PROVERBIOS 20:30 - Biblia Guarani Tumpa Iñee

³⁰ Ñenupa moa ko, jeko kavimbae reta peguarä; ñenupa rupi oyepoepɨ jeko kavimbae.

PROVERBIOS 20:30 ပူးပေါင်းရင်းမြစ်များ

SALMOS 89:32

aiporaraukata jókuae ipɨapochɨ re, jare ainupata ikavimbae oyapo vae re.

PROVERBIOS 19:25

Oporoyóyai yóyai vae iñenupa rupi, yarakuaambae yarakuaa; ërei yarakuaa katu vae pe oye mboeta yave, yarakuaa katu voi.

PROVERBIOS 22:15

Arakuaambae oimeño mai kunumi ipɨa pe; ërei yembosɨmbi ñenupa reve vae ombosɨrɨta ko chugüi.

PROVERBIOS 27:6

Yanderaɨu vae yandembopere yave ikaviño ko, ërei ñanemotareɨ vae yanderaɨu raanga yave mbaetɨ jaekavi.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

Hebreos 12:10

Echa yanderu ɨvɨ pegua yandembosɨmbi michi peguaño jae oipota vae rupi. Ërei yandeRu ara pegua yandembosɨmbi ikavi vaerä yandeve, yaiko vaerä ikɨambae jae rami.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.