PROVERBIOS 20:18 - Biblia Guarani Tumpa Iñee

¹⁸ Yemongeta reta oyeapo kavi yemboarakuaa kavi rupi; ñeraro oyeapo arakuaa katu rupi kavi.

PROVERBIOS 20:18 ပူးပေါင်းရင်းမြစ်များ

1 REYES 1:12

Eyeapɨsaka cheporomboarakuaa re, reroasayepe vaerä nderekove jare nemembɨraɨe Salomón jekove.

2 REYES 18:20

¿Reyemongeta pa ñee ikavi yae vae rupi oime arakuaa katu jare mbaepuere ñeraro peguarä? ¿Kia re yé pa reyerovia reyovaicho vaerä chekotɨ?

PROVERBIOS 11:14

Yemboarakuaa kavi mbaetɨa pe, tëta guasu ngaraa oyembotuicha; ërei yemboarakuaa jetaa pe, tëta oiko pɨagüive.

PROVERBIOS 15:22

Yemboarakuaa mbaetɨa pe, yemongeta reta opa oikomegua; ërei yemboarakuaa jetaa pe, oë kavi yemongeta.

PROVERBIOS 24:6

echa ñeraro oyeapo yemongeta kavi rupi, jare jeta oyemboarakuaa vae rupi, oporomoamɨrita.

PROVERBIOS 25:8

Agüɨye eñeapo voi voi, agüɨye vaerä reñemomaraiuka nderapicha ndembojopa ma yave.

San Lucas 14:31

Ani metei mburuvicha guasu ikɨ̈reɨ yave ojo oñeraro ïru mburuvicha guasu ndive, ¿oguapɨta räriä pa oyemongeta kavi, ipuereta ra jókuae diez mil isundaro reta ndive omoamɨri jókuae veinte mil sundaro ndive oporepeña ikotɨ vae?

JUECES 19:30

Opaete jókuae oecha vae, jei reta: —Israel iñemuña reta oë ɨvɨ Egipto güi güive, mbaetɨi oyeapo ani oyeecha kuae nunga. Yayemongeta kuae re, jare yaiparavo mbae ra yayapota vae.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

JUECES 20:7

Añave opaete Israel iñemuña reta kuae pe peï vae, peyemongeta jare pemae mbae ra peyapota vae.

JUECES 9:29

¡Che peruvicharä aiko yave mona, aramoete ko anoeta amombo Abimelec!” Jare jei ye: “¡Abimelec, ekua emboatɨ ndesundaro reta jare eyu ñañoraro!”