PROVERBIOS 20:10 - Biblia Guarani Tumpa Iñee

¹⁰ Omaemee vae oata ojäa omee vae jare imbaejäaka jaekavimbae, kuae mókoi reve ikaviä yae ko yandeYa pe.

PROVERBIOS 20:10 ပူးပေါင်းရင်းမြစ်များ

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 16:11

Oñejäa kavi oñemee mbae vae, jare mbaejäaka jupi vae, yandeYa güi ko ou; opaete mbae oñejäa oñemee pɨpe vae, jae etei ko oñono.

PROVERBIOS 20:23

YandeYa pe ikaviä yae ko, omaemee vae oata ojäa omee vae, jare mbaejäaka jupimbae vae, mbaetɨ ko ikavi.

LEVÍTICO 19:35

Agüɨye peyapo jupimbae peporojäa yave: Ɨvɨ oñejäa vae re, mbae ipoɨ oñejäa oñemee vae re ani mbae jɨru pe oñejäa oñemee vae re.

LEVÍTICO 19:36

Pejäa kavi mbae pemee oyoupe mbaejäaka pe. Che ko peYa Tumpa, ɨvɨ Egipto güi perenoe vae.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.