PROVERBIOS 20:1 - Biblia Guarani Tumpa Iñee

¹ Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

PROVERBIOS 20:1 ပူးပေါင်းရင်းမြစ်များ

2 SAMUEL 11:13

Jare David omee okaru jare okau jae ndive, ombosavaɨpo regua. Jare jae kaaru ma yave oë ojo oke juvicha guasu jembiokuai reta pɨri; jare mbaetɨ ojo jo kotɨ.

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

PROVERBIOS 23:20

Agüɨye neïru pota okau vae reta ndive, ani okaru kavi vae reta ndive ave,

PROVERBIOS 31:4

Chemembɨ Lemuel, mbaetɨ ko ikavi mburuvicha guasu reta jare imborɨa reta jou vaerä vino jare mbae oporombosavaɨpo vae,

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 5:11

¡Peparavete!, pe reta ndeimboveasɨ güive pepüa ye peyembosavaɨpo vaerä vae, jare pepɨare katúi jökorai.

ISAÍAS 5:22

¡Peparavete!, pe reta perëia yae peu vaerä vino vae, perëia yae pemboyea vaerä vino peyeupe.

ISAÍAS 56:12

Jei reta: “Yaja yaeka vino jare mbae oporombosavaɨpo vae, yandembosavaɨpo vaerä. Javoi pɨareve yayapo ye añave rami, ani oasa ete ye ikavi yayapo.”

OSEAS 4:11

Aguasa pota, jare vino jasɨ vae jare vino ipɨau vae oporombopɨajopa.

OSEAS 7:5

Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

HABACUC 2:5

Mbaepuere oipota vae oporombotavɨ ko, kuimbae ipɨapochɨ vae ngaraa oiko avei, oeka reta ikueraimbae reve, jare oipota ye. Iyuru, tëogüe-rɨru rami; yangapɨɨmbae ko, mano rami, jáeramo oë opɨ̈ro opaete tëtaguasu reta.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.