PROVERBIOS 2:6 - Biblia Guarani Tumpa Iñee

⁶ Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

PROVERBIOS 2:6 ပူးပေါင်းရင်းမြစ်များ

1 REYES 10:24

Opaete vae oipota yae oecha jare oyeapɨsaka arakuaa Tumpa omee chupe vae re,

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

1 REYES 4:29

Jare Tumpa omee arakuaa katu Salomón pe oikuaa yae vaerä jeta mbaembae, ɨguasu jembeɨ pe jeta ɨvɨkuitï oï rami.

1 CRÓNICAS 22:12

YandeYa tomee ndeve ndepɨarakuaa yae vaerä, reporookuai ma yave Israel re reyapo vaerä yandeYa Tumpa iporookuai reta.

ESDRAS 7:25

Jare nde Esdras, neTumpa omee arakuaa ndeve rupi kavi eñono mburuvicha reta oporojäa vae reta, tëta re oyangareko vae reta, omae vaerä ɨ̈aka Éufrates jovaicho kuaraɨ oikea kotɨ yogüɨreko vae reta re; eñono opaete neTumpa iporookuai oikuaa vae reta re, jare mbaetɨ oikuaa vae nde emboe.

NEHEMÍAS 7:5

Jayave Tumpa oñono chepɨa pe amboatɨ vaerä tenondegua reta, mburuvicha reta jare opaete vae, oyepapa vaerä iñemuña ae ae rupi. Jare aväe tembikuatía ñemuña ñavo rupi, tenonde ma yogüeru oväe vae reta regua. Joko pe oyekuatía oï körai:

JOB 12:13

Tumpa ko yarakuaa vae jare imbaepuere vae, jae oyemongeta oyapo vaerä vae, oyapo.

JOB 12:16

Jae ko imbaepuere vae jare yarakuaa vae, ipo pe ko oï mbae oyavɨ vae, jare mbae oyavɨuka ïru pe vae.

JOB 22:22

Eipɨɨ añave jae iporookuai, jare eñono jae iñee ndepɨa pe.

JOB 32:8

Añete, opaete kuimbae oime güɨnoi arakuaa, echa Imbaepuere yae ete vae oikuaauka chupe.

SALMOS 119:104

Ndeporookuai reta rupi chearakuaa katu yae, jáeramo, aröɨro opaete apu reta.

SALMOS 119:34

Emee arakuaa cheve ayapo vaerä ndeporookuai reta, ¡jare tayapo opaete chepɨa ndive!

SALMOS 119:98

Ndeporookuai reta rupi chemboarakuaa katu yae cherovaicho reta güi, echa oiko avei che ndive.

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

SALMOS 19:8

Sɨmbi ko yandeYa iporookuai reta, oporomboyerovia vae, ikɨambae ko yandeYa iporookuai, oechauka opaete mbaembae vae.

SALMOS 51:6

Mase, nde reaɨu yae ko ipɨa jupi vae; jare reñono cheɨvɨte pe ndearakuaa katu.

SALMOS 94:10

Tëtaguasu reta oinupa vae, ¿oporonupa potaä yera? ¿Oikuaa potaä yera, omboe kuimbae reta arakuaa re vae?

ÉXODO 31:3

jare amee chupe Tumpa iEspíritu, arakuaa katu, oikuaa katu yae vaerä mbaembae jare ipoki yae vaerä opaete mbaembae oyapo,

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 2:23

Ndeve, cheñemuñagüe reta iTumpa, amee yasoropai ndeve jare romboete, echa chemboarakuaa jare chemomɨ̈rata; añave reikuaauka cheve roeka ndeve vae, reikuaauka cheve mburuvicha guasu omoambeko yae güɨnoi vae.”

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.