PROVERBIOS 2:5 - Biblia Guarani Tumpa Iñee

⁵ Jayave reikuaata kërai ko yaipoɨu yandeYa güi vae; ¡reikuaata kërai ko Tumpa yaikuaa vae!

PROVERBIOS 2:5 ပူးပေါင်းရင်းမြစ်များ

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 28:7

Tumpa iporookuai oyapo vae, yarakuaa katu ko, ërei ikause vae reta ndive oñemoïru vae omomarai ko tu.

PROVERBIOS 8:17

Che aɨu cheraɨu vae reta, jare chereeka voi vae reta cheväe.

PROVERBIOS 9:10

Arakuaa katu jae ko yandeYa güi yaipoɨ u vae; Iyoambae yaikuaa vae, jae ko arakuaa katu.

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Lucas 10:22

Jayave jei vi: “CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.”

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.