PROVERBIOS 19:3 - Biblia Guarani Tumpa Iñee

³ Kuimbae opia jape güi, mbaetɨ yarakuaa jeko pegua, javoi iyarasɨ yandeYa kotɨ.

PROVERBIOS 19:3 ပူးပေါင်းရင်းမြစ်များ

2 REYES 6:33

Jare Eliseo imiari oï jókuae tenondegua reta ndive ramboeve, jókuae ñee jerúa ou oväe Eliseo pɨri, jare jei: —Mase, kuae ikavimbae ombou yandeve yandeYa, ¿mbae yemborɨ pa aärota chugüi?

JOB 15:13

¿Maera pa ndearasɨ Tumpa kotɨ, jare rere oipotagüe ñee?

SALMOS 37:1

Jeko kavimbae reta jeko pegua agüɨye ndearasɨ; agüɨye vi ndeakatúä jupimbae oyapo vae reta re.

SALMOS 37:7

Nekïrii eiko yandeYa jóvai, jare eäro. Agüɨye neñeenguru oiko kavi vae kotɨ, jókuae kuimbae oyapo ikavimbae vae kotɨ.

PROVERBIOS 11:3

Kuimbae jeko sɨmbi vae, jókuae rupi oiko kavi; ërei iyoa vae reta, oyemboaiuka iyoa pe aeño.

ISAÍAS 32:6

Echa kuimbae jeko kavimbae, imiarita ko ikavimbae re, oyemongeta ipɨa pe, oyapo vaerä ikavimbae, ani jei ikavimbae vae yandeYa kotɨ; yɨmbɨaɨ vae güi opɨ̈ro jembíu, ani iɨuve vae güi opɨ̈ro ɨ.

LAMENTACIONES 3:39

¿Maera pa kuimbae iñeengeta yeño iyoa reve oikove tëi oï reve?

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

1 SAMUEL 13:13

Jayave Samuel jei Saúl pe: —¡Mbaetɨ etei jaekavi kuae reyapogüe! Mbaetɨ reñovatu yandeYa Tumpa iporookuai, ndeokuai jese vae; echa añave omoañete eteta tëi ko ndeporookuaía Israel re jekuae avei pegua.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”