PROVERBIOS 19:21 - Biblia Guarani Tumpa Iñee

²¹ Kuimbae ipɨa pe jeta iyemongeta, ërei yandeYa jei vaeño ko oyeapota.

PROVERBIOS 19:21 ပူးပေါင်းရင်းမြစ်များ

GÉNESIS 50:20

Pe reta peyemongeta ikavimbae chekotɨ, ërei Tumpa oipoepɨ ikavimbae vae ikavi vae pe, oyeapo vaerä añave yaecha vae, oasayepe vaerä jeta tekove.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

ESTER 9:25

Ërei Ester ou yave mburuvicha guasu jóvai, omee mborookuai jókuae ipɨapochɨ vae oyemongeta oyapota tëi rami, chupe oyeapo vaerä, jökorai Amán jare taɨ reta opa oeterasa ɨvɨra re.

JOB 23:13

Ërei jae jei yave mbae oyapo vaerä, oyapo, ngaraa kia oipoepɨ iyemongeta.

SALMOS 21:11

Echa oipota tëi oyapo reta ikavimbae vae ndeve, oyomboemboe reta, ërei ngaraa ipuere reta.

SALMOS 83:4

Jei reta: “Peyu opa ñamokañɨtei, agüɨye vaerä ma oiko tëtaguasurä, agüɨye ye toyeendu Israel jee.”

PROVERBIOS 12:2

Kuimbae jeko kavi vae re, yandeYa iporoparareko, ërei kuimbae iyemongeta kavimbae, jae omokañɨtei.

PROVERBIOS 16:1

Kuimbae, oyemongeta mbae oyapo vaerä; ërei yandeYa ko jeita, jókuae yemongeta oyembopo vaerä.

PROVERBIOS 16:9

Kuimbae oyemongeta mbae oyapo vaerä, ërei yandeYa ko jei, kërai oiko vaerä.

PROVERBIOS 19:22

Oporoparareko vae, jae ko kuimbae ipɨakatu vae, ërei paravete vae ko, ikavi yae ete iyapu yae vae güi.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ECLESIASTÉS 7:29

Aväe chupe vae jaeño kuae: Tumpa oyapo jupi kuimbae, ërei jae aeño oñererokomegua.

ISAÍAS 14:24

YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

JEREMÍAS 44:29

Che, peYa amee peve kuae kañɨmaa, peikuaa vaerä oyembopota ko jae vae, jare aiporaraukata peve kuae ɨvɨ pe vae:

EZEQUIEL 20:32

Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.