PROVERBIOS 19:14 - Biblia Guarani Tumpa Iñee

¹⁴ Kuimbae reta iporombopota jae ko, jo jare imbaeyekou taɨ reta imbaerä, ërei yandeYa iporombopota jae ko, kuña yarakuaa katu vae.

PROVERBIOS 19:14 ပူးပေါင်းရင်းမြစ်များ

GÉNESIS 24:44

jare tei cheve: Eɨu, nde jare tanoe vi ɨ ndecamello reta peguarä, jókuae kuñatai toiko reiparavo cheya taɨ peguarä vae.’

GÉNESIS 24:7

YandeYa Tumpa ara pe oï vae cherenoe cheru jëta güi jare cherëtara reta güi vae, güɨrökuavee cheve jae jee re aeño: “Neñemuña pe ameeta kuae ɨvɨ” jae ko omondota iAraɨgua nderenonde jare nde reruta joko güi kuña cheraɨ peguarä.

PROVERBIOS 13:22

Ipɨakavi vae, oeyata jɨmɨmino reta pe mbaeyekou, ërei iyoa vae reta imbaeyekou, opɨtata jupi vae reta imbaerä.

PROVERBIOS 18:22

Kuimbae oväe imenda ïrurä vae, oväe ko ikavi vae, yandeYa ipɨa kavi ou chupe.

PROVERBIOS 3:6

Enoi avei ndepɨa pe yandeYa, opaete mbae reyapo vae rupi, jare jae ndereroatata sɨmbi rupi.

2 Corintios 12:14

Mase, añave ayeapo katu aï aja ye vaerä pépɨri mboapɨa ma. Mbaetɨta pomoambeko mbaembae re, echa mbaetɨ ko aeka pembaembae, pe etei ko poeka. Echa tu reta ko oñovatu taɨ reta peguarä, mbaetɨ ko taɨ reta oñovatu tu peguarä.

DEUTERONOMIO 21:16

jare oväe ara omboyao vaerä imbaembae taɨ reta pe yave, agüɨye tomee jembireko oaɨu vae imembɨrɨpɨ pei, tenondegua pe omee vaerägüe, echa añetete taɨrɨpɨ jae ko jembireko mbaetɨ oaɨu vae imembɨrɨpɨ.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

JOSUÉ 11:23

Josué opɨ̈ro opaete ɨvɨ, yandeYa jei Moisés pe vae rami; jare omboyao Israel iñemuña reta imbaerä, ñemuña reta ñavo pe. Jökorai oputuu reta ñeraro güi jókuae ɨvɨ pe.

1 SAMUEL 25:3

Kuae kuimbae jee Nabal, jae ko Caleb iñemuña pegua, jekopochɨ jare jeko kaviä; ërei jembireko Abigail yarakuaa katu jare maepöra.