PROVERBIOS 19:12 - Biblia Guarani Tumpa Iñee

¹² Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

PROVERBIOS 19:12 ပူးပေါင်းရင်းမြစ်များ

GÉNESIS 27:28

Tumpa tomee ndeve ɨsápɨi ara güi, jare mbaagüɨye ɨvɨ pegua, jeta trigo jare uva tɨgüegüe.

2 SAMUEL 23:4

oikota tembipe ou köe yave vae rami, kuaraɨ jembipe oyekuaa ndeimbove yave, mbaetɨ amapɨtu yave rami. Ama omojeñɨi temitɨ ɨvɨ re vae rami.’

ESTER 1:12

Ërei ngatu Vasti mbaetɨ oipota ou mburuvicha guasu jóvai, jae oyókuai eunuco reta rupi rami; jare mburuvicha guasu iyarasɨ yae;

ESTER 7:8

Mburuvicha guasu ou ye kó raɨ kotɨ güi okarúa pe yave, oecha Amán oyetavatɨka oï, Ester oyapakua oïa re, jayave mburuvicha guasu jei: —¿Reipota pa repoko Ester re chero pe etei? Jökorai jei yave, jembiokuai reta oñova Amán jova.

SALMOS 133:3

Ɨsápɨi ɨvɨtɨ Hermón re rami, oa ɨvɨtɨ reta Sión re. Echa joko pe yandeYa ombou mborerekua jare tekove opambae vae.

SALMOS 72:6

¡Ama jare ɨsápɨi omoäkɨ ñana jare ɨvɨ rami toiko!

PROVERBIOS 20:2

Mburuvicha guasu iyarasɨ, yaguapope pochɨ yae vae iñee rami ko; mburuvicha guasu omboarasɨuka vae, jaeño ko oyapo iyeupe teko.

PROVERBIOS 28:15

Yaguapope oñee mbae oeka ani oso yɨmbɨaɨ yae oï vae rami, jökorai ko mburuvicha jupimbae oï metei tëta paravete vae juvicharä yave.

ECLESIASTÉS 8:4

Echa mburuvicha guasu iñee güɨnoi ko mbaepuere, jare ngaraa metei ave jei chupe: “¿Mbae pa reyapo?”

ISAÍAS 18:4

YandeYa jei cheve: “Che aïa güi amae pɨagüive aï jese reta, kuaraɨ jembipeasɨ ama opoo ramo yave rami, mbaarɨvo iara pe araku yave, oime amapɨtu okɨta vae rami.

DANIEL 5:19

Jare yembotuicha omee chupe vae rupi, opaete vae tëta reta, jare tëtaguasu reta jare ïru ñee pe imiari vae reta orɨrɨi jare okɨɨye chugüi. Jae oipota oyuka vae oyuka, jare mbaetɨ oipota oyuka vae mbaetɨ oyuka, jare oipota ombotuicha vae ombotuicha ani oipota omomichi vae omomichi.

DANIEL 6:24

Jare mburuvicha guasu oporookuai, oyereru vaerä jókuae kuimbae reta omboeko Daniel vae, jare opa oitɨ reta yaguapope reta jɨru pe jae reta, taɨ reta jare jembireko reta; jare ndei ɨvɨkua jugua pe opa oa mbove, yaguapope reta oipɨɨ jare opa ikägüe reta omopüruru.

OSEAS 14:5

Aïta Israel pe ɨsápɨi rami, jae reta ipotɨta tüpa-ɨpɨ rami. Japo reta mombɨrɨ ojota ɨvɨtɨ Líbano rami;

MIQUEAS 5:7

Jacob iñemuña güi jembɨregüe reta yogüɨrekota ïru tëta guasu reta rupi; yandeYa ombou ɨsápɨi rami; ñana re ama oa rami, kuae reta mbaetɨ oäro kuimbae reta jemimbota.

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.