PROVERBIOS 19:10 - Biblia Guarani Tumpa Iñee

¹⁰ Yarakuaambae, oikatúä ikavigüe pe oiko vaerä, jökoraiño vi metei tembiokuai, ngaraa oikatu oiko mburuvicha reta itenondeguarä.

PROVERBIOS 19:10 ပူးပေါင်းရင်းမြစ်များ

2 SAMUEL 3:39

Jáeramo, che chepɨtu ko añeväe añave, yepe tëi mburuvicha guasurä ayeparavo aï; echa kuae kuimbae reta, Sarvia imembɨraɨe reta jeko pochɨ yae ko chevegua. ¡YandeYa tomboekovia kuae ikavimbae oyapo vae reta pe!

ESTER 3:15

Jare tupapire jerajaa reta oë aramoete pegua mburuvicha guasu iporookuai jei rami, kuae mborookuai oñemee Susa pe, kuae tëta güi mburuvicha reta oporookuai. Jare mburuvicha guasu okau Amán ndive ramboeve Susa pegua reta ipɨa kaviä yae ñogüɨnoi.

PROVERBIOS 17:7

Yarakuaambae, mbaetɨ ipoki imiari jupi rupi kavi, jökoraiño vi mburuvicha, mbaetɨ ikavi iyapu vaerä.

PROVERBIOS 26:1

Araku iara pe mbaetɨ ikavi iroɨ, jare mbaarɨvo iara pe mbaetɨ ikavi ama; jökorai ko mbaetɨ ikavi yarakuaambae, oyemboeteuka vaerä.

ISAÍAS 3:5

Jare teko mbaetɨta ikavi, metei ñavo oñemopüata jo iyɨpɨ pegua re. Taɨrusu vae reta oñemopüata ndechi reta re, jare paravete vae reta oñemopüata oikokatu vae reta re.

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

San Lucas 16:19

Oiko metei kuimbae oikokatu vae, oyemonde kavi avei temimonde ikavigüe pe jare ara ñavo oyapouka tembíu kavi.

San Lucas 16:23

Jare omanogüe reta ñogüɨnoia pe kuimbae oikokatuse vae oiporara yae oï. Jayave oupi iñäka jare oecha Abraham mombɨrɨ oï chugüi. Oecha vi Lázaro oï Abraham ndive.

Santiago 4:9

Pepɨatɨtɨ jare peyaeo. Pepuka toyepoepɨ yaeo pe, peyerovia toyepoepɨ mbɨatɨtɨ pe.

1 SAMUEL 25:36

Jare Abigail ou ime Nabal pɨri. Oecha jae oyapo arete mburuvicha guasu arete oyapo rami. Oyerovia katu oï jare osavaɨpo yae vi, jáeramo imiari chupe pɨareve pe ramo.