PROVERBIOS 18:6 - Biblia Guarani Tumpa Iñee

⁶ Yarakuaambae, oyemoinge teko pɨ̈chɨi pe iñee rupi; iñee kavimbae rupi aeño oeka iyeupe ñenupa.

PROVERBIOS 18:6 ပူးပေါင်းရင်းမြစ်များ

PROVERBIOS 12:16

Yarakuaambae, iyarasɨ rai voi; ërei oyeandu katu reve oiko vae, mbaetɨ oyeapɨsaka ñeeasɨ katu re.

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 14:3

Yarakuaambae, oyembotuicha iñee rupi; ërei yarakuaa vae, oyeandu reve iñee omoë.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

PROVERBIOS 19:19

Iyarasɨ yae vae, oiporara tai ko; mbaetɨ oiporara jeko re yave, jeieteñota.

PROVERBIOS 19:29

Tembiporara, oäro oï oporoyóyai yóyai vae reta; jare chikote ko, iyarakuaambae reta peguarä.

PROVERBIOS 20:3

Iyoakasembae, kuimbae iyemboetea ko, ërei yarakuaambae, jei rai voi mbae.

PROVERBIOS 22:10

Iporoyóyai yoyaise vae oyemombo yave, opa ñeraro, mbaetɨ ma ñeapo jare ñeeasɨ katu.

PROVERBIOS 25:24

O ipɨmii vae pe yaiko vae ikaviño, o ipɨguasu vae pe kuña iñe rarose vae ndive yaiko vae güi.

PROVERBIOS 27:3

Ita jare ɨvɨkuitï ipoɨ yae ko, ërei yarakuaambae iyarasɨ ma ipoɨ yae ete rami ko.

PROVERBIOS 29:9

Yarakuaa vae, oyoaka yarakuaambae ndive yave, yepe tëi iyarasɨ ani opuka, ngaraa oñono kavi teko.