PROVERBIOS 18:5 - Biblia Guarani Tumpa Iñee

⁵ Mbaetɨ ko ikavi oporojäa vae reta oepɨ jupimbae, omboeko vaerä jupi vae.

PROVERBIOS 18:5 ပူးပေါင်းရင်းမြစ်များ

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

SALMOS 82:2

“¿Kërai yave regua pa mbaetɨta peporojäa kavi, jare peepɨ iyoa vae reta?

ÉXODO 23:2

Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

ÉXODO 23:3

ërei paravete vae oñeapo yave, agüɨye pemborɨ paravete güiño.

ÉXODO 23:6

Agüɨye perova paravete vae iñeapo chugüi.

PROVERBIOS 17:15

Jupimbae ombojupi vae jare jupi vae omboeko vae, yandeYa pe ikaviä yae ko kuae reta.

PROVERBIOS 17:26

Mbaetɨ ko jupi oyemboeko vaerä jupi vae, mbaetɨ vi jupi oñenupa vaerä kuimbae imboetea yae vae reta.

PROVERBIOS 24:23

Kuae reta, jae vi ko yarakuaa vae reta iñee arakuaa pegua: Ñeapoa pe oporojäa vae reta oporoparavoño yave, mbaetɨ etei ko jaekavi.

PROVERBIOS 28:21

Yayoparavoño yayoparareko vae mbaetɨ ko ikavi; metei mbɨyape jaɨgüe re ave, ipuere ko yandeyoa.

PROVERBIOS 31:5

echa okau reta yave, güɨramoi iñakañɨ retata mborookuai güi, jare güɨrova paravete vae reta güi jupi vae.

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

ISAÍAS 59:14

Jupi vae rogüɨröɨro, sɨmbi vae osɨrɨ oregüi, añete vae rombosɨrɨ oreyeugüi oka guasu pe, jare mbaetɨ oime mboromboete.

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

MIQUEAS 3:9

Peendu añave kuae, Israel iñemuña juvicha reta, morojäa peröɨro vae reta, opaete teko kavi perokomegua vae reta.

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.