PROVERBIOS 18:24 - Biblia Guarani Tumpa Iñee

²⁴ Kuimbae oime ivɨa-ïru reta yave, tijeko kavi jae reta ndive; oime vɨa-ïru iporoaɨu yae tëtara ete güi vae.

PROVERBIOS 18:24 ပူးပေါင်းရင်းမြစ်များ

2 SAMUEL 1:26

¡Chepɨatɨtɨ yae aï nderé, cherɨvɨ Jonatán! ¡Nde cheraɨu yae ko! Ndeporoaɨu oasa ikavi kuña reta iporoaɨu güi.

2 SAMUEL 15:21

Jare Itai jei mburuvicha guasu pe: —Tumpa jee re jare nderé re, mbaetɨta asɨrɨ ndegüi, mano pe yepe ani tekove pe yepe nde reïa rupi che aïta nde ndive.

2 SAMUEL 16:17

Jayave Absalón oparandu chupe: —¿Körai pa ndeporoaɨu reechauka ndevɨa-ïru pe? ¿Maera pa reoä ndevɨa-ïru ndive?

2 SAMUEL 21:7

Mburuvicha guasu iñɨ̈ro Mefi-boset, Jonatán taɨ pe, jae ko Saúl jɨmɨmino. Jókuae ñererökuavee päve yandeYa jee re David jare Jonatán oyapo reta oyoupe vae.

PROVERBIOS 17:17

Vɨa-ïru, oporoaɨu avei ko; tëtara ete rami ko, oime yave mbɨatɨtɨ.

PROVERBIOS 27:10

Agüɨye eyembosɨrɨ ndevɨa-ïru güi, ani nderu ivɨa-ïru güi ave. Agüɨye ekua ndepɨatɨtɨ reï yave, nderɨkeɨ ani nderɨvɨ jëta pe. Ñanerëta-ɨpɨ pegua jaekavi ko, ñanerëtara ete mombɨrɨ oiko vae güi.

PROVERBIOS 27:9

Mbae ikäti kavi vae, yandemboyerovia ñaëtu yave, jökorai ko ikavi yae, vɨa-ïru güi yaendu yemboarakuaa vae.

1 SAMUEL 18:1

David opa imiari Saúl ndive yave, Jonatán omboɨpɨ ovɨa David re, jare oaɨu yae David jae oyeaɨu rami.

1 SAMUEL 18:3

Jonatán jare David oyapo oyoupe morogüɨrökuavee päve oyoaɨu avei vaerä, echa Jonatán oaɨu yae jae oyeaɨu rami.