PROVERBIOS 18:23 - Biblia Guarani Tumpa Iñee

²³ Paravete vae, imiari oporomoñera reve, ërei oikokatu vae, omboyevɨ iñeeasɨ katu reve.

PROVERBIOS 18:23 ပူးပေါင်းရင်းမြစ်များ

GÉNESIS 42:30

—Jókuae kuimbae ɨvɨ iya oremomiari iyarasɨ reve, tëta re oporopïaro vae reta rami omae oreré.

GÉNESIS 42:7

José oecha tɨkeɨ reta rupive oikuaa; ërei ngatu jae oikuaambae rami oyeapo, jare omomiari iyarasɨ reve, jei chupe reta: —¿Ketɨ güi pa peyu? Jare jae reta jei: —Ɨvɨ Canaán kotɨ güi ko royu rogua vaerä tembíu.

1 REYES 12:13

Jare mburuvicha guasu jei iyarasɨ reve tëta pegua reta pe, osɨrɨ tenondegua reta yemboarakuaa omee tëi chupe vae güi;

2 CRÓNICAS 10:13

Jayave mburuvicha guasu Roboam jei ñee jasɨ katu yae reve, echa mbaetɨ oyapo tenondegua reta yemboarakuaa omee tëi chupe vae,

JOB 41:3

¿Nemoñerata ra reiparareko vaerä, ani iñee yeaeä ndeve okɨɨye güi?

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

PROVERBIOS 19:7

Paravete vae, jëtara ete ave omotareɨ yae, ¡vɨtei pa ivɨa-ïru reta, opa tai ko oyembosɨrɨ chugüi! Oeka tëi kia ndive imiari vaerä yave, mbaetɨ oväe.

PROVERBIOS 22:7

Oikokatu vae, oyemboiya paravete vae reta re, ipía vae, opɨta ko ipía chupe vae jembiokuairä.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

San Mateo 5:3

“Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

Santiago 2:3

Jare pemae kavi yave jókuae oyemonde kavi vae re, jare pere yave chupe: “Eguapɨ kuae tenda ikavi vae pe”; ërei pere yave iparavete vae pe: “Eyemboɨ joko pe”, ani “eguapɨ ɨvɨ pe”,

Santiago 2:6

Ërei pe reta peñeeasɨ katu paravete vae reta kotɨ. ¿Mbaetɨ pa peikuaa oikokatu vae reta ko pererekoasɨ katu vae jare pereraja mburuvicha reta jóvai vae?

RUT 2:7

Jae jei cheve: “Romoñera remaeño vaerä ayevɨka jare amboatɨ ombaepoo vae reta jaɨkue.” Jare oike ndeimbove güive kuae ora regua oputuumbae etei michi pegua yepe.

1 SAMUEL 2:36

Jayave neñemuña güi opɨtaño vae outa oyetavatɨka oñemomichi reve sacerdote jóvai korepoti re, ani tembíu re jei reve: Romoñera remee vaerä mbaravɨkɨ cheve sacerdote reta ipɨte pe, chepuere vaerä akaru.’ ”

1 SAMUEL 25:10

Jare Nabal jei David jemimondo reta pe: —¿Kia pa jókuae David? ¿Kia pa jókuae Isaí taɨ? Jeta ko añave rupi tembiokuai reta iya güi otekuaraigüe.

1 SAMUEL 25:17

Añave eyemongeta kavi, mbae reyapo vaerä, echa jaema outa mbae ikavimbae yandeya re, jare jo pegua reta re, echa jae kuimbae ipɨapochɨ yae vae ko, mbaetɨ kia ipuere imiari jae ndive.