PROVERBIOS 18:19 - Biblia Guarani Tumpa Iñee

¹⁹ Oñoëtara ete vae oyomboarasɨ vae oñemoëguaä etei, tëta guasu ikësea jëguambae vae güi. Oñoëtara vae reta oñeapo oyoe vae, mburuvicha jo ikësea oyeokenda avei vae rami ko.

PROVERBIOS 18:19 ပူးပေါင်းရင်းမြစ်များ

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

2 SAMUEL 13:22

Absalón mbaetɨ etei mbae jei Amnón pe, ërei omotareɨ omae Amnón re, opoko ramo jeindɨ Tamar re.

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

2 CRÓNICAS 13:17

Jare Abías jare isundaro reta ndive oparapiti jese reta, oyuka reta quiniento mil kuimbae oyeparavogüe Israel pegua reta.

PROVERBIOS 16:32

Iyarasɨ raivimbae, ikavi yae ko jëia yae vae güi; jare oyembopɨaguasu vae, ikavi yae ko tëta guasu opɨ̈ro vae güi.

PROVERBIOS 18:18

Suerte, omboapɨ ñeapo reta, jare mburuvicha reta opa oñono kavi.

PROVERBIOS 18:20

Kuimbae iñee reta, jókuae jekoviata chupe, yangapɨɨ ta iñee reta rupi.

PROVERBIOS 6:19

iyapu reve omboeko japicha vae, oporomoñorarouka oyoupii vae.

Hechos 15:39

Oyoaka reta tätagüe oyoupii kuae re. Jáeramo oyemboyao reta oyougüi. Bernabé güɨraja jupíe Marcos jare ojo reta barco pe Chipre kotɨ.

1 SAMUEL 17:28

Kuae re oendu yave tɨkeɨ Eliab iyarasɨ yae David kotɨ, jare jei chupe: —¿Mbae pa reyu reeka kuae pe? ¿Kia ipo pe pa reeya jókuae mbovɨ vecha vae ñuu pe? Che aikuaa katu ndereko kavimbae jare ndeyemongeta kavimbae, echa ñeraro re remae vaeräño ko reyu.