PROVERBIOS 18:10 - Biblia Guarani Tumpa Iñee

¹⁰ Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

PROVERBIOS 18:10 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 32:11

¡Añave, chereepɨ cherɨkeɨ Esaú güi!, echa akɨɨye chugüi ou vaerä cheve jare oyuka kuña reta imembɨ reta ndive.

2 SAMUEL 22:2

Jei körai: “Nde cheYa, jae ko ita guasu cheñepɨ̈roa, nde ko jae chereepɨ vae,

2 SAMUEL 22:3

cheTumpa, cheñepɨ̈roa, nderé tayeko cheyeopiaka, mbaepuere chereepɨ vae, añepɨ̈ro kavi yae nderé vae, chereroasayepe vae. ¡Chereroasayepe mbaesusere güi vae!

2 SAMUEL 22:51

Che mburuvicha guasu nderembiparavo pe remee aporomoamɨri yae vaerä; nde cheparareko avei jökorai vi cheñemuña reta.”

SALMOS 144:2

Cheparareko vae, cheñepɨ̈roa, chepɨ̈rata nderé vae, chereroasayepe vae, cheyeopiaka, jese ayeko vae, jae oñono opaete cherëtaɨgua reta chembaepuere igüɨ pe.

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 20:2

Jo mbaemboetea güi tombou tandemborɨ, Sión güi tombou tandemborɨ.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 91:14

“Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

SALMOS 91:2

Ere yandeYa pe: “Cheyeroviaka jare cheñepɨ̈roa ko nde; ¡cheTumpa, arovia jese vae!”

ÉXODO 6:3

Abraham, Isaac jare Jacob pe ayekuaauka, Tumpa Opaete mbaepuere güɨnoi vae ramiño; ërei mbaetɨ ayekuaauka chupe reta cheree peYa rupi.

PROVERBIOS 14:26

YandeYa güi oipoɨu vae, mɨ̈rata ko, jae ko taɨ reta iñepɨ̈roa.

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

ISAÍAS 26:4

Peyeko avei yandeYa Tumpa re, echa jae ko ñepɨ̈roa opambae.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

HABACUC 3:19

Echa cheYa Tumpa omee cheve mɨ̈rata chetɨma isɨrɨkɨ vaerä guasukaka rami jare chereraja ɨvatea pe aasayepe vaerä.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

1 SAMUEL 17:45

Jayave David jei chupe: —Nde reyu chekotɨ kɨsepuku ndive, jare mii ndive jare mii raɨ ndive; ërei che ayu ndeve cheYa imbaepuere yae ete vae jee re, sundaro Israel iñemuña reta iTumpa, neñeeasɨ katu ikotɨ vae.

1 SAMUEL 30:6

Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.