PROVERBIOS 17:20 - Biblia Guarani Tumpa Iñee

²⁰ Ipɨapochɨ vae ngaraai oväe iyeupe ikavi vae; oporomomburu vae oata mbaesusere pe.

PROVERBIOS 17:20 ပူးပေါင်းရင်းမြစ်များ

SALMOS 18:26

Ikɨambae oiko vae pe reyeechaukata ndekɨambae, ërei mbaetɨta neɨ̈ro ipɨapochɨ vae pe.

PROVERBIOS 10:10

Jesäɨ rupi mbae jei vae, mbɨatɨtɨ ko oyapo iyeupe, jare iñee rupi jei jeiiño mbae vae, oiporarata.

PROVERBIOS 10:14

Iyarakuaa vae reta oñovatu avei yarakuaa, ërei iyarakuaambae reta jarembae oyembosusere iñee pe aeño.

PROVERBIOS 10:31

Jupi vae iyuru güi oë arakuaa katu, ërei iñee pɨ̈chɨi vae güi oyeasɨata ikü.

PROVERBIOS 24:20

Echa jeko kavimbae reta, ngaraa yogüɨreko kavi, ngaraa yogüɨreko puku iyoa vae reta.

PROVERBIOS 3:32

echa yandeYa güɨröɨro ipɨapochɨ vae, ërei oï jupi vae reta ndive.

PROVERBIOS 8:13

YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

ECLESIASTÉS 10:12

Yarakuaa vae iñee reta rupi oyemboeteuka, ërei yarakuaambae, iñee rupi aeño oyemboai;