PROVERBIOS 17:2 - Biblia Guarani Tumpa Iñee

² Tembiokuai oyeandu katu reve oiko vae ipuere oyemboeteuka, tu omboetembae güi, ipuere vi güɨnoi mbaeyekou oporomboetembae tɨvɨ reta ndive.

PROVERBIOS 17:2 ပူးပေါင်းရင်းမြစ်များ

PROVERBIOS 10:5

Mbaarɨvo iara pe ombaarɨvo vae, yarakuaa katu ko; ërei mbaarɨvo iara pe oke reteiño vae, imarambae ko.

PROVERBIOS 11:29

Jo re ipokosembae, mbaetɨ eteita mbae güɨnoi; iyarakuaambae oiko aveita iyarakuaa katu vae jembiokuairä.

PROVERBIOS 14:35

Mburuvicha guasu ipɨa kavi, oyeokuai kavi chupe vae pe, ërei iyarasɨ, jeko kavimbae kotɨ.

PROVERBIOS 17:1

Ikavi yae ko atikúi yepe yau vae, yaiko pɨagüive reve vae, oime jeta tembiúa pe, oñeraro reteiño vae güi.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

PROVERBIOS 19:26

Tu güi omaepɨ̈ro vae jare ichɨ omombo iyeugüi vae, oyapo ko ñemomarai jare mbae jërakua pɨ̈chɨi yae vae.

PROVERBIOS 29:15

Chikote jare yembosɨmbi rupi ou arakuaa, ërei michia re oñemaeiño vae, ichɨ omomaraiuka ko.

ECLESIASTÉS 4:13

Taɨrusu vae paravete tëi reve yarakuaa vae, ikavi yae ko mburuvicha guasu indechi vae, ërei mbaetɨ yarakuaa vae güi, echa kuae mbaetɨ ma oipota oendu yemboarakuaa.