PROVERBIOS 17:15 - Biblia Guarani Tumpa Iñee

¹⁵ Jupimbae ombojupi vae jare jupi vae omboeko vae, yandeYa pe ikaviä yae ko kuae reta.

PROVERBIOS 17:15 ပူးပေါင်းရင်းမြစ်များ

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

SALMOS 94:21

Oyomboatɨ reta oyemongeta jupi vae jekove re, jare omometei reta yemongeta, oyuka vaerä jekombae vae.

ÉXODO 23:7

Peyembosɨrɨ apu reta güi, agüɨye peyuka jekombae vae jare jupi vae, echa che mbaetɨta ambojupi jeko vae.

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 17:26

Mbaetɨ ko jupi oyemboeko vaerä jupi vae, mbaetɨ vi jupi oñenupa vaerä kuimbae imboetea yae vae reta.

PROVERBIOS 18:5

Mbaetɨ ko ikavi oporojäa vae reta oepɨ jupimbae, omboeko vaerä jupi vae.

PROVERBIOS 31:5

echa okau reta yave, güɨramoi iñakañɨ retata mborookuai güi, jare güɨrova paravete vae reta güi jupi vae.

PROVERBIOS 6:16

Oime ova mbaembae yandeYa güɨröɨro vae, jare chiúa pɨ̈chɨi yae ete jesa róvai; jae ko:

ISAÍAS 5:20

¡Peparavete, pe reta pere ikavimbae pe “ikavi vae”, jare ikavi vae pe pere “ikavimbae”; tembipe peipoepɨ pɨtumimbi pe, jare pɨtumimbi peipoepɨ tembipe pe; iro vae peipoepɨ jëe vaerä, jare jëe vae peipoepɨ iro vaerä!

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

LAMENTACIONES 3:35

Tumpa Tuichagüe yae ete vae jóvai oyererova jupi vae kuimbae güi vae,

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

AMÓS 5:7

¡Pe reta perokomegua jupi vae, jare jupi vae pemombo ko ɨvɨ re!

AMÓS 6:12

¿Osɨita pa kavayu ɨ̈vavira rupi? ¿Ani oyeara pa güeye pe jokoropi? ¿Maera pa pe reta perokomegua ñejäa jare jupi vae?

Romanos 4:5

Ërei kia mbae oyapombae reve güɨrovia jókuae iyoa vae ombojupi vae re yave, jókuae iporogüɨrovia rupi Tumpa omae jese jupi.

DEUTERONOMIO 25:1

Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.

Santiago 5:6

Pe reta pemboeko jare peyuka jókuae jupi vae. Jare jae mbaetɨ oyeepɨ pegüi.