PROVERBIOS 16:22 - Biblia Guarani Tumpa Iñee

²² Iyarakuaa katu vae pe, arakuaa tekove katu ko; yarakuaa vae reta iyarakuaa, mbaeä etei ko.

PROVERBIOS 16:22 ပူးပေါင်းရင်းမြစ်များ

PROVERBIOS 10:11

Jupi vae iñee reta, tekove katu ko, ërei iyoa vae, oñemokïriiukata jeko pɨ̈chɨi pe.

PROVERBIOS 13:14

Yarakuaa katu vae iporomboe, tekove katu ko, jare oporogüɨ roasayepe mano güi.

PROVERBIOS 14:27

YandeYa güi yaipoɨu vae, tekove katu ko, mano güi yandereepɨ vae ko.

PROVERBIOS 15:2

Yarakuaa vae reta iñee, omopöra arakuaa; ërei yarakuaambae reta iñee, ikavimbae yae ko.

PROVERBIOS 15:28

Jupi vae, ipɨa pe oyemongeta kavi omboyevɨ vaerä ñee; ërei iyoa vae, jei ñee ikavimbae.

PROVERBIOS 16:21

Iyarakuaa vae, jae ko yarakuaa katu vae; ñee yeaeä, omoïru arakuaa katu.

PROVERBIOS 16:23

Iyarakuaa vae, oyeandu reve imiari, iñee yeaeä vae, omoïru iyarakuaa katu.

PROVERBIOS 18:4

Kuimbae iñee reta, ɨ tɨpɨ yae vae rami ko, ɨ oguata rami ko, arakuaa jenda.

PROVERBIOS 18:7

Yarakuaambae, iñee rupi aeño oyembosusere; iñee aeño oyeapa jese.

PROVERBIOS 3:22

echa jese ko renoita tekove, ndemboaruandata, mboɨ ndemboaruanda rami.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

San Juan 6:68

Jare Simón Pedro jei chupe: —OreYa, ¿kia re pa rojota royemboya? Ndeño ko renoi ñee tekove opambae vae pegua.