PROVERBIOS 16:2 - Biblia Guarani Tumpa Iñee

² Kuimbae pe, ikaviecha opaete mbae oyapo vae, ërei yandeYa ko oikuaa, opaete mbae oyeapo vae.

PROVERBIOS 16:2 ပူးပေါင်းရင်းမြစ်များ

SALMOS 36:2

Omboyukɨ iñee iyeupe aeño, kërai iyoa mbaetɨta oñeväe jare oñereröɨro chugüi.

PROVERBIOS 12:15

Yarakuaambae, sɨmbi rupi kaviecha ko oiko iyeupe, ërei yemboarakuaa re oyeapɨsaka vae, yarakuaa ko.

PROVERBIOS 16:25

Oime tape ikaviecha kuimbae pe vae; ërei tape kañɨtei kotɨ ojo vae ko.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

PROVERBIOS 21:2

Kuimbae pe ikaviecha opaete mbae oyapo vae, ërei yandeYa ko oikuaa opaete mbae oyeapo vae.

PROVERBIOS 24:12

Echa rere yave: “Mbaetɨ etei ko aikuaa kuae re”, teko reta ojäa vae oikuaata ko; oikuaa kavita ko omae oï nderé vae, omboekovia teko reta oï rupi vae.

PROVERBIOS 30:12

Oime amogüe, mbaetɨ etei jeko omae iyé vae, ërei mbaetɨ ave yepe oyetɨo oï iyoa güi.

PROVERBIOS 5:21

Echa Tumpa jesa róvai oiko kuimbae ara ñavo; jae omae oï opaete kuimbae jembiapo reta re.

ISAÍAS 26:7

Jupi vae reta jeko isɨmbi ko, nde cheYa jupi vae ko, reñono kavi jupi vae japerä.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

DANIEL 5:27

TEKEL: Reñejäauka mbaejäaka pe, jare oata yae ndepoɨ.

NÚMEROS 22:32

Jare yandeYa iaraɨgua jei chupe: —¿Maera pa reinupa ma mboapɨ ye ndemburika? Mase, che ko aë tape pe nderovaichorä, echa ikaviä ko cheve kuae reyapo vae.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

JUECES 17:6

Echa jókuae ara rupi mbaetɨ vɨteri mburuvicha guasu Israel pe, metei vae ñavo oyapo ipɨa jemimbota.

JUECES 7:6

Jare oyepapa tresciento kuimbae reta, ipo pe oñono ɨ jou vae, jare opaete ïru reta oyetavatɨka jou ɨ.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.