PROVERBIOS 15:8 - Biblia Guarani Tumpa Iñee

⁸ Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 15:8 ပူးပေါင်းရင်းမြစ်များ

2 SAMUEL 15:12

Jare Absalón omee ramboeve mɨmba oyeyukagüe, omondo oenɨiuka tëta Gilo güi Ahitofel, jae ko metei David imboarakuaa. Jayave teko jeiete oyeapo ojo oiko, jare jeta ma Absalón jupiegua reta.

1 REYES 3:10

Jare yandeYa pe ikavi yae kuae, Salomón oiporugüe.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

SALMOS 17:1

CheYa, eendu cheyerure jupi rupi vae, eïndaivi reendu vaerä cheyerure, eyeapɨsaka cheyerure re, echa mbaetɨ ko cheapu.

PROVERBIOS 10:24

Iyoa vae okɨɨye yae chugüi vae etei outa chupe, ërei jupi vae pe oyembopo ipɨa jemimbota.

PROVERBIOS 15:29

YandeYa, mombɨrɨ oï iyoa vae reta güi, ërei oendu, jupi vae reta iyerure.

PROVERBIOS 15:7

Yarakuaa vae reta, omoai arakuaa iñee rupi; ërei yarakuaambae reta, mbaetɨ jökorai.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ECLESIASTÉS 5:1

Reo Tumpa jo pe yave, eyeandu reve eiko: Eya katu reyeapɨsaka vaerä, agüɨye eya mɨmba oyeyukagüe remee vaeräño, jókuae kuimbae reta yarakuaambae omee rami, echa mbaetɨ oikuaa reta ikavimbae ko oyapo ñogüɨnoi vae.

CANTARES 2:14

Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

DANIEL 9:23

Remboɨpɨ reyerure rupive Tumpa oendu, jare chembou aikuaauka vaerä ndeve, echa jae nderaɨu yae. Añave eyeapɨsaka kavi, reikuaa kavi vaerä kuae reecha vae regua:

LEVÍTICO 7:18

Ërei mboapɨ araa pe oyeu yave jókuae mɨmba oyeyukagüe yembopɨakatu pegua isoogüe, jókuae mɨmba oyeyuka oñemee vae, Tumpa güɨröɨrota jare ngaraa vi oyepapa omee vae pe; pɨ̈chɨi yae ko, jare jókuae soo jou vae toiporara.

MIQUEAS 6:6

¿Mbae ndive pa añeñonota yandeYa Tumpa tuicha yae ete vae jóvai amboete vaerä? ¿Añeñonota pa jae jóvai toro taɨrusu vae metei año vae ndive amee vaerä mɨmba oyeyukagüe opaetei oyeapɨ vae?

MIQUEAS 6:7

¿YandeYa ipɨakatuta pa omae jeta yeyé vecha kuimbae amee vae re, ani jeta yeyé osɨrɨ olivo iasaite amee vae re? ¿Ameeta pa cheraɨrɨpɨ, chegüi oñemuña vae chepɨarai jare cheyoa jeko pegua?

HAGEO 2:14

Jayave Hageo jei: “YandeYa jei: ‘Jökorai ko kuae tëta jare kuae kuimbae reta cheróvai; körai etei vi jembiapo reta jare opaete kuae pe güɨrökuavee reta vae ikɨa ko.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Juan 4:24

Tumpa ko jae Espíritu. Omboete vae reta, tomboete Espíritu rupi jare añete rupi kavi.