PROVERBIOS 15:5 - Biblia Guarani Tumpa Iñee

⁵ Yarakuaambae, güɨröɨro tu iporomboarakuaa; ërei yemboarakuaa oendu vae, yarakuaa katu ko.

PROVERBIOS 15:5 ပူးပေါင်းရင်းမြစ်များ

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

SALMOS 141:5

Jaekavi ko, jupi vae oiporarauka cheve yave, omboeta cheve vae, asaite oñemokäti kavi vae ramita ko cheve, jókuae ngaraa aröɨro, ërei jókuae ikavimbae oyapo vae reta kotɨ tayerure maratu vaerä.

PROVERBIOS 1:23

Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 10:1

Salomón iñee reta arakuaa pegua: Kunumi yarakuaa katu vae, omboyerovia ko tu; ërei iyarakuaambae ombopɨatɨtɨ ko ichɨ.

PROVERBIOS 13:1

Yarakuaa vae, oyeapɨsaka tu iporomboarakuaa re; ërei oporoyóyai yóyai vae, ñäteɨ oyeapɨsaka yemboeta re.

PROVERBIOS 13:18

Paraveteta jare oñemomaraita yemboarakuaa güɨröɨro vae; ërei yemboeta oendu vae imboeteata.

PROVERBIOS 15:4

Ñee yeaeä, tekove katu ko; ërei ñeeasɨ katu, oporombopɨatɨtɨ yae.

PROVERBIOS 15:6

Jupi vae jo pe, jeta mbae güɨnoi, ërei iyoa vae, opa omokañɨtei omonganagüe.

PROVERBIOS 19:20

Eendu yemboarakuaa, agüɨye eröɨro yembosɨmbi; jökorai ndearakuaa vaerä.

PROVERBIOS 25:12

Moäka-vera ani mboɨ oro yepeai vae rami ko, oyemboeta yave, yarakuaa vae iñeereendu katu vae pe.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

Tito 1:13

Kuae imiari jese reta vae añete ko. Jáeramo tätagüe emboeta chupe reta, oñemomɨ̈rata reta vaerä iporogüɨrovia pe,

Tito 2:15

Kuae re nemiari, eporomboarakuaa jare emboeta mbaepuere rupi kavi. Agüɨye kia ave tanereröɨro.