PROVERBIOS 15:27 - Biblia Guarani Tumpa Iñee

²⁷ Imbaepotarai vae, güɨrokomegua jo aeño; ërei mbaemboepɨ vɨari güɨröɨro vae, oiko kavita.

PROVERBIOS 15:27 ပူးပေါင်းရင်းမြစ်များ

1 REYES 2:40

Jayave Simei opüa jare oyokua imburika jare ojo Aquis pɨri Gat pe, oeka vaerä jembiokuai reta. Jökorai Simei ojo güeru ye jembiokuai reta.

2 REYES 5:27

Kuae jeko pegua Naamán ipire mbaerasɨ ókui vae ovata nderé jare neñemuña reta re jekuae avei pegua. Jare Giezi osɨrɨ Eliseo güi yave ipire ókui imbaerasɨ, morotï oyekuaa iroɨ rami.

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ÉXODO 23:8

Agüɨye peipɨɨ vɨari mbota teko iya güi; echa jókuae mbota güɨrokomegua oporojäa vae reta jare jupi vae reta.

PROVERBIOS 1:19

Jökorai ko iyapɨ imbaepotarai vae reta: Imbaepotarai jeko pegua omano.

PROVERBIOS 11:19

Jupi rupi oiko vae, oepeña tekove, jökorai ko ikavimbae rupi oiko vae, oepeña mano.

PROVERBIOS 11:29

Jo re ipokosembae, mbaetɨ eteita mbae güɨnoi; iyarakuaambae oiko aveita iyarakuaa katu vae jembiokuairä.

PROVERBIOS 15:26

YandeYa pe ikaviä yae ko, jeko kavimbae iyemongeta reta, ërei omboyerovia, jeko kavi vae reta iñee kavi.

PROVERBIOS 20:21

Jupimbae reve oyemboikokatu jarembae pegua vae, taɨkue rupi ngaraa oime yerovia jese.

PROVERBIOS 23:4

Agüɨye eyemoambeko reyemboikokatu vaerä; ndearakuaa ndeyeupe, agüɨye eipota.

PROVERBIOS 28:16

Mburuvicha yarakuaambae, ombojeiete mbae ikavimbae jasɨ katu vae, ërei mbaetɨ imbaepotarai vae oiko pukuta.

PROVERBIOS 28:25

Ipɨarai yae vae, oporomoñerarouka katu ko, ërei yandeYa reño oyeko vae, oiko kavita.

PROVERBIOS 29:4

Mburuvicha guasu jupi rupi kavi oiko vae, omomɨ̈rata jëtaguasu, ërei okovara reteiño opaño mbaembae re vae, omboai jëtaguasu.

JEREMÍAS 17:11

Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

DEUTERONOMIO 7:26

Agüɨye peru mbae pɨ̈chɨi vae pero pe, agüɨye vaerä yepopeyu oï jese vae peru, opaetei mbae peroɨ̈ro jare pɨ̈chɨi pemae jese, echa yepopeyu pe ko oï.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

1 Timoteo 6:9

Ërei oipota oikokatu vae reta mbaetɨ ipɨaguasu, oa mbaeyoa pe, jare jeta mbaepotarai ikavimbae vae pe. Jare oñeäka pɨpɨ mbaesusere jare kañɨtei pe.

JOSUÉ 6:18

Ërei pe reta peyeandu jókuae kañɨtei peguarä oï vae güi; agüɨye peyavɨkɨ, agüɨye etei peupi peyeupe mbae yepe jókuae güi, echa güɨramoi peñonoukata vi Israel iñemuña reta jeyupa Tumpa iyepopeyu pe, jare pembosusereuka.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.