PROVERBIOS 15:20 - Biblia Guarani Tumpa Iñee

²⁰ Iyarakuaa katu vae, omboyerovia tu; ërei yarakuaambae, güɨröɨro ichɨ.

PROVERBIOS 15:20 ပူးပေါင်းရင်းမြစ်များ

1 REYES 1:48

Jare jei: “Toyemboete cheYa Israel iTumpa, kuae ara omee metei cheñemuña pe oguapɨ vaerä cheporookuaía pe, aikoveño aï ramboeve.”

1 REYES 2:9

Ërei añave agüɨye neɨ̈ro chupe. Ndearakuaa katu ko, nde reikuaata mbae reyapo vaerä chupe. Ërei eeka kërai omanoasɨ katu vaerä.”

1 REYES 5:7

Hiram oendu yave Salomón ñee ombou jei chupe vae, oyerovia yae, jare jei: “¡Toyemboete Tumpa kuae ara, echa omee David pe taɨ yarakuaa katu yae vae, oporookuai vaerä kuae tëtaguasu tuicha yae vae re!”

ÉXODO 20:12

Pemboete peru jare pesɨ, peikopuku vaerä che peYa Tumpa amee peve ɨvɨ vae pe.

PROVERBIOS 10:1

Salomón iñee reta arakuaa pegua: Kunumi yarakuaa katu vae, omboyerovia ko tu; ërei iyarakuaambae ombopɨatɨtɨ ko ichɨ.

PROVERBIOS 13:1

Yarakuaa vae, oyeapɨsaka tu iporomboarakuaa re; ërei oporoyóyai yóyai vae, ñäteɨ oyeapɨsaka yemboeta re.

PROVERBIOS 15:19

Iyakɨ vae pe, tape yuu katuai ko; ërei jupi vae reta jape ikavi yae ko.

PROVERBIOS 23:22

Eyeapɨsaka nderu iñee re, jókuae chugüi reñemuña vae re; agüɨye eröɨro ndesɨ itɨ̈aro ma yave.

PROVERBIOS 23:24

Jupi vae, omboyerovia yae tu, yarakuaa vae, ombovɨakatu yae ko tu.

PROVERBIOS 29:3

Oaɨu arakuaa vae, omboyerovia tu, ërei oapeko iyaguasa pota vae, opata imbaembae omokañɨtei.

PROVERBIOS 30:17

Tu güɨnoti vae ichɨ iporomboe güɨröɨro vae, jupi ko omanoasɨ katu vaerä, jare chucha reta opa vaerä jou.

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

Filipenses 2:22

Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.