PROVERBIOS 15:18 - Biblia Guarani Tumpa Iñee

¹⁸ Kuimbae iyarasɨ katu vae, oporomoñoraro katu; ërei mbaetɨ iyarasɨ raivi vae, omoröɨsa arasɨ.

PROVERBIOS 15:18 ပူးပေါင်းရင်းမြစ်များ

2 SAMUEL 19:43

Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

PROVERBIOS 10:12

Ñomotareɨ güeru yoaka reta, ërei mboroaɨu iñɨ̈ro opaete mbaeyavɨ reta pe.

PROVERBIOS 14:29

Mbaetɨ iyarasɨ raivi vae, yarakuaa yae ko; ërei iyarasɨ rai voi vae, mbaetɨ ko yarakuaa.

PROVERBIOS 15:1

Ñee yeaeä, omoröɨsa arasɨ; ërei ñeeasɨ katu, ombojeiete arasɨ.

PROVERBIOS 15:19

Iyakɨ vae pe, tape yuu katuai ko; ërei jupi vae reta jape ikavi yae ko.

PROVERBIOS 16:14

Mburuvicha guasu iyarasɨ yave, oime mano, ërei kuimbae yarakuaa vae, omoröɨsa.

PROVERBIOS 16:28

Kuimbae ipɨapochɨ vae, oporomoñoraro katu; indaye pota vae, omboyovaichouka oyoupii ovɨa oyoe reta vae ave.

PROVERBIOS 22:24

Agüɨye eyemoinge iyarasɨ katu vae ipɨte pe, agüɨye eñemoïru iyarasɨ katu vae ndive;

PROVERBIOS 25:15

Mbɨaguasu omoröɨsa mburuvicha iyarasɨ; ñee yeaeä omoröɨsa arasɨ.

PROVERBIOS 26:21

Tatasɨgüe oï jendɨ vaerä, yepea oï tata oyeapo vaerä, jare kuimbae iyarasɨ rai vae, ñeraro oyapo vaerä.

PROVERBIOS 28:25

Ipɨarai yae vae, oporomoñerarouka katu ko, ërei yandeYa reño oyeko vae, oiko kavita.

PROVERBIOS 29:22

Iyarasɨ rai vae, oporomoñerarouka katu ko, iyarasɨ katu vae, oa katu mbaeyoa pe.

ECLESIASTÉS 10:4

Mburuvicha iyarasɨ ndeve yave, agüɨye emboasɨ, echa mbɨaguasu rupi ko oñemoroɨ̈sa arasɨ.

San Mateo 5:9

Oyerovia ko oyapo mbɨakatu vae reta. Echa Tumpa jeita chupe reta: Pe ko jae cheraɨ reta.