PROVERBIOS 15:1 - Biblia Guarani Tumpa Iñee

¹ Ñee yeaeä, omoröɨsa arasɨ; ërei ñeeasɨ katu, ombojeiete arasɨ.

PROVERBIOS 15:1 ပူးပေါင်းရင်းမြစ်များ

2 SAMUEL 19:43

Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

1 REYES 12:7

Jare jae reta omomiari jei reve: —Añave nde reyapo yave kuae tëta oiporu ndeve vae, jare ñee kavi rupi remomiari reta yave, jae reta oyeokuaita ko ndeve jekuae avei pegua.

2 CRÓNICAS 10:7

Jare jae reta jei chupe: —Ndereko kavi kuae reta pe yave, rembopɨakatu yave jare remomiari kavi reta yave, jae reta oyeokuaita ndeve jekuae avei.

JOB 41:3

¿Nemoñerata ra reiparareko vaerä, ani iñee yeaeä ndeve okɨɨye güi?

PROVERBIOS 10:12

Ñomotareɨ güeru yoaka reta, ërei mboroaɨu iñɨ̈ro opaete mbaeyavɨ reta pe.

PROVERBIOS 15:18

Kuimbae iyarasɨ katu vae, oporomoñoraro katu; ërei mbaetɨ iyarasɨ raivi vae, omoröɨsa arasɨ.

PROVERBIOS 25:15

Mbɨaguasu omoröɨsa mburuvicha iyarasɨ; ñee yeaeä omoröɨsa arasɨ.

PROVERBIOS 28:25

Ipɨarai yae vae, oporomoñerarouka katu ko, ërei yandeYa reño oyeko vae, oiko kavita.

PROVERBIOS 29:22

Iyarasɨ rai vae, oporomoñerarouka katu ko, iyarasɨ katu vae, oa katu mbaeyoa pe.

PROVERBIOS 29:8

Oporoyóyai yóyai vae reta omboarasɨuka tëta guasu, ërei yarakuaa vae reta omoröɨsa arasɨ.

Hechos 19:41

Opa kuae güire, opa omondo yatɨ vae reta.