PROVERBIOS 14:31 - Biblia Guarani Tumpa Iñee

³¹ Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

PROVERBIOS 14:31 ပူးပေါင်းရင်းမြစ်များ

JOB 24:4

Oyerure mbae re vae reta osɨrɨ oïa güi, jare opaete paravete vae reta oñemi.

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

PROVERBIOS 14:21

Japicha güɨröɨro vae, iyoa ko; ërei paravete vae reta oiparareko vae, oyerovia ko.

PROVERBIOS 17:5

Paravete vae oyóyai yóyai vae, ikavimbae ko oyapo Iyapoa kotɨ; japicha isusere re oyerovia omae vae, ngaraa opɨta oiporarambae.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

PROVERBIOS 22:16

Oyemboikokatu vaerä paravete vae omombaravɨkɨasɨ katu ani omee oikokatu vae pe vae, iparaveteta ko opɨta.

PROVERBIOS 22:2

Oikokatu vae jare paravete vae, oyovakeño ko; opareve, yandeYa ko oyapo.

PROVERBIOS 28:8

Mbae re oasa ete okovara vae rupi oyemboikokatu vae, omboatɨ ko, jókuae paravete vae re iporoparareko vae peguarä.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

LEVÍTICO 25:17

Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

LEVÍTICO 25:35

Kia nunga vae perëtara iparavete opɨta yave, jare ou pekotɨ pemborɨ vaerä, pemborɨ ketɨgua rami, jare toiko pe ndive pero pe.

San Juan 12:8

Iparavete vae reta yogüɨreko ñotai ko pe reta ndive. Ërei che ngaraa aikoño avei pe reta ndive.

DEUTERONOMIO 24:14

Agüɨye peyuvanga paravete vae re, ara ñavo oyeokuai omongana vaerä vae, perëtaɨgua ani ketɨgua oiko peɨvɨ pegua tëta guasu reta pe vae.

1 Juan 4:21

Jare Jesucristo oeya yande kuae mborookuai: Oaɨu Tumpa vae, toaɨu vi iñeïru oporogüɨrovia vae.