PROVERBIOS 14:30 - Biblia Guarani Tumpa Iñee

³⁰ Ipɨakatu avei vae, tekove katu ko jete peguarä, ërei oporomotareɨ vae, yaratita rami ko ikägüe reta pe.

PROVERBIOS 14:30 ပူးပေါင်းရင်းမြစ်များ

1 REYES 21:6

Acab jei chupe: —Chemiari Nabot, Jezreel pegua ndive, jae chupe omee vaerä agua iuvarupa; ani oipota yave ïru uvarupa ndive aipoepɨ vaerä. Ërei jae mbaetɨ oipota omee cheve.

JOB 5:2

Añete, yarakuaambae oyeyukauka arasɨ pe, jare imbaepotarai vae ñemoägüɨro pe.

SALMOS 112:10

Iyoa vae oecha yave, iyarasɨta; ombokɨrɨrɨuta jäi, ërei okañɨteita, iyoa vae reta jemimbota opata.

SALMOS 119:80

Taiko jupi rupi kavi ndeporookuai reta rupi, agüɨye vaerä añemomaraiuka.

PROVERBIOS 12:4

Kuña jeko kavi vae, yerovia ko ime peguarä; ërei kuña jeko kavimbae, yaratita rami ko ime ikägüe reta re.

PROVERBIOS 15:13

Ipɨa oyerovia katu vae, jova kuera katu; ërei ipɨatɨtɨ yae vae, ipɨarúi.

PROVERBIOS 17:22

Yerovia katu, moa ikavi vae rami ko yanderete pe, ërei mbɨatɨtɨ, oporomombaerasɨ ko.

PROVERBIOS 3:8

Echa kuae, moa ramita ko ndeve, omoröɨsa katuta nekägüe reta.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

Hechos 7:9

Jókuae yandeɨpɨ reta omotareɨ José ramo omee reta korepoti re, oyererajauka vaerä Egipto pe. Ërei Tumpa oï José ndive,

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

2 Timoteo 1:7

Echa Tumpa mbaetɨ ko omee yandeve espíritu kɨɨye pegua, omee ko yandeve mbaepuere pegua, mboroaɨu pegua jare yayopia vaerä yanderete oipota vae.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”