PROVERBIOS 14:28 - Biblia Guarani Tumpa Iñee

²⁸ Mburuvicha guasu jeta vae re oporookuai vae, iyemboetea yae ko; ërei mbaetɨ jeta vae re oporookuai vae, ipɨtu ko.

PROVERBIOS 14:28 ပူးပေါင်းရင်းမြစ်များ

2 SAMUEL 19:7

Añave epüa jare eë embopɨakatu nderembiokuai reta; echa mbaetɨ reë yave, yandeYa jee re tae ndeve kuae pɨ̈tu voi mbaetɨta opɨta nde ndive metei kuimbae ave. Jókuae ngaraa etei ma ikavi, opaete ikavimbae ou ndeve ndetaɨrusu güive vae güi.

2 SAMUEL 24:3

Ërei Joab jei mburuvicha guasu pe: —NdeYa Tumpa tomoïru cien vese kuae tëta añave oime vae güi, eecha nde cheya, ërei ¿maera pa reipota reyapo kuae yepapa cheya?

1 REYES 20:27

Israel iñemuña pegua reta omae jare oyopapa kavi vi, jare oñemee reta vi chupe jembiurä, jare ñogüɨnoe oövaiti Siriaɨgua reta. Oyembojeyupa Siriaɨgua reta jóvai mókoi atɨ mi kavara vaeecha, echa Siriaɨgua reta opaetei omotɨnɨe ɨvɨ.

2 REYES 13:7

Echa jókuae kuimbae oporoepɨ vae ndei ou mbove, mburuvicha guasu Joacaz pe mbaetɨ ma jeta jembɨre sundaro, jaeño ma jembɨre chupe cincuenta kuimbae kavayu regua reta, payandepo käretou ñeraro pegua, jare diez mil kuimbae ɨvɨ rupigua, echa mburuvicha guasu Siria pegua opa oyuka, jare opa oeya ɨvɨkúi rami.

ÉXODO 1:12

Ërei jeiete oiporarauka chupe reta reve, jekuaeñoi oñemuña jare okuakuaa reta; jáeramo Egiptoɨgua reta okɨɨye Israel iñemuña reta güi.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

PROVERBIOS 14:27

YandeYa güi yaipoɨu vae, tekove katu ko, mano güi yandereepɨ vae ko.

PROVERBIOS 14:29

Mbaetɨ iyarasɨ raivi vae, yarakuaa yae ko; ërei iyarasɨ rai voi vae, mbaetɨ ko yarakuaa.

JEREMÍAS 13:20

Pemopüa peäka jare pemae kërai yogüeru tovaicho ɨvɨtuguasu kotɨ güi. ¿Ketɨ pa oime oñemee ndeve reyangareko vaerä jese vae, nderembiangareko tëta ikavi yae vae?