PROVERBIOS 14:21 - Biblia Guarani Tumpa Iñee

²¹ Japicha güɨröɨro vae, iyoa ko; ërei paravete vae reta oiparareko vae, oyerovia ko.

PROVERBIOS 14:21 ပူးပေါင်းရင်းမြစ်များ

SALMOS 112:5

Kuimbae jeko kavi vae, iporoparareko jare ombaeporuka; opaete mbaembae oyapo vae, oyapo jupi rupi kavi.

SALMOS 112:9

Omboyao mbae, paravete vae reta pe; ipɨakavi avei; imbaepuere oyembotuichata jare imboetea yaeta.

SALMOS 22:24

Echa jae mbaetɨ güɨröɨro ani omaeiño paravete vae reta oiporara vae re. Mbaetɨ oñemi chugüi reta, ¡jae oendu chupe reta, oeka reta iporomborɨ yave!

PROVERBIOS 11:12

Arakuaa re oata vae, jei mbae japicha; ërei kuimbae oyeandu katu reve oiko vae mbaetɨ mbae jei.

PROVERBIOS 14:31

Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

PROVERBIOS 17:5

Paravete vae oyóyai yóyai vae, ikavimbae ko oyapo Iyapoa kotɨ; japicha isusere re oyerovia omae vae, ngaraa opɨta oiporarambae.

PROVERBIOS 18:3

Jupimbae ndive ou ñereröɨro; yembotuicha ndive ou mboromboetembae.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

PROVERBIOS 21:10

Iyoa vae oyemongeta oyapo vaerä ikavimbaeño; mbaetɨ etei iporoparareko omae japicha re.

PROVERBIOS 22:9

Japicha oiparareko vae, oikota mborerekua rupi, paravete vae pe omboyao jembíu jeko pegua.

PROVERBIOS 28:27

Paravete vae omborɨ vae pe, ngaraa mbae oata, ërei mbaetɨ oipota oporomborɨ vae kotɨ, jeta yaeta oyepopeyu vae.

PROVERBIOS 28:8

Mbae re oasa ete okovara vae rupi oyemboikokatu vae, omboatɨ ko, jókuae paravete vae re iporoparareko vae peguarä.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

San Lucas 18:9

Jare Jesús oïa pe ñogüɨnoi amogüe oyererovia katu jupi ko jare oporogüɨröɨro vae reta. Jesús jei chupe reta ombojaanga reve:

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

DEUTERONOMIO 15:9

Peyeandu agüɨye vaerä oime yemongeta ikavimbae pepɨa pe, jare pere: ‘Köiño ma año chiúa oime vaerä ñɨ̈ro opaete mbia reta re.’ Jare perova arasɨ pemae perëtaɨgua paravete vae re, jare mbaetɨ mbae peiporuka chupe, echa jae ipuere oñeapo peré yandeYa pe jare jae omaeta peré, iyoa vae.

Hebreos 6:12

agüɨye vaerä peakɨ, ërei peiko jókuae iporogüɨrovia rupi jare ipɨaguasu rupi omboresive ma Tumpa güɨrökuavee chupe vae reta rami.