PROVERBIOS 14:15 - Biblia Guarani Tumpa Iñee

¹⁵ Yarakuaambae, güɨrovia opaete mbaembae; ërei oyeandu reve kavi oiko vae, omae kavi kërai oiko vaerä.

PROVERBIOS 14:15 ပူးပေါင်းရင်းမြစ်များ

2 SAMUEL 1:5

David jei jókuae kunumi imiari oï chupe vae pe: —¿Kërai pa reikuaa Saúl omano ko taɨ Jonatán ndive vae?

1 REYES 2:18

Betsabé jei chupe: —Tachemiari mburuvicha guasu pe ndeve kuae rere vae.

NEHEMÍAS 6:4

Irundɨ ye ombou chereenɨiuka reta, ërei che jökorai yeño amboyevɨ chupe reta.

PROVERBIOS 14:14

Yarakuaambae, ikueraita jeko reta güi; ërei kuimbae jeko kavi vae, oyeroviata jeko reta re.

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 14:8

Kuimbae yarakuaa vae, iyarakuaa rupi oikuaa jeko, ërei ipokimbae reta, oyembotavɨ iyarakuaambae rupi aeño.

PROVERBIOS 17:4

Jeko kavimbae jare yapu yae vae, güɨrovia katu ipɨapochɨ vae iñee reta.

PROVERBIOS 22:3

Oyeandu katu reve oiko vae oecha ikavimbae yave, oñemi chugüi; ërei yarakua ambae oasaño ojo jare oiporara.

PROVERBIOS 27:12

Oyeandu katu reve oiko vae oecha ikavimbae yave, oñemi chugüi; ërei yarakua ambae oasaño ojo jare oiporara.

PROVERBIOS 4:26

Emae kavi nderaperä, eguata jupi rupi.

AMÓS 5:13

Jáeramo, yarakuaa katu vae, jökorai yave kïriiño, echa ara mbaetɨ ikavi.

Hechos 13:7

Kuae kuimbae oï mburuvicha Sergio Paulo jee vae ndive. Kuae mburuvicha iyarakuaa katu ko. Jae oenɨi Bernabé jare Saulo, ikɨ̈reɨ oyeapɨsaka Tumpa iñee re.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Efesios 5:17

Jáeramo, agüɨye peiko pearakuaambae, ërei peikuaa kavi yandeYa jemimbota.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.