PROVERBIOS 13:25 - Biblia Guarani Tumpa Iñee

²⁵ Jupi vae okaru jɨ̈vɨata regua, ërei iyoa vae oiporarata yɨmbɨaɨ.

PROVERBIOS 13:25 ပူးပေါင်းရင်းမြစ်များ

SALMOS 103:5

jae ko chemoangapɨɨ ikavigüe pe, jare chembotaɨrusu avei güɨraké rami.

SALMOS 132:15

Cheporerekuata jeta tembíu rupi jese, paravete vae reta joko pe yogüɨreko vae amoangapɨɨta.

SALMOS 34:10

Yaguapope raɨ reta pe oata mbae jare yɨmbɨaɨ; ërei ngatu yandeYa oeka vae reta pe, ngaraa oata mbae ikavi vae.

SALMOS 37:16

Jupi vae mbovɨ mbae güɨnoi vae ikavi ko, iyoa vae reta jeta mbaeyekou güɨnoi vae güi.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

PROVERBIOS 10:3

YandeYa ngaraa oiporarauka yɨmbɨaɨ jupi rupi oiko vae pe, ërei jupimbae re ngaraa omaeño jɨ̈vɨata vaerä.

PROVERBIOS 13:18

Paraveteta jare oñemomaraita yemboarakuaa güɨröɨro vae; ërei yemboeta oendu vae imboeteata.

PROVERBIOS 24:34

jökorai mboriau oväeta ndeve oguataiño vae rami, jare mbaravete out a ndeve kuimbae oporepeña rami.

PROVERBIOS 6:11

jökorai mboriau oväeta ndeve oguataiño vae rami, jare mbaravete outa ndeve kuimbae oporepeña rami.

San Lucas 15:14

Jare opaetei ma omokañɨtei iyeugüi yave, ou karuai tuicha vae jókuae ɨvɨ pe, jare jae mbaetɨ ma mbae güɨnoi jou vaerä.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.

DEUTERONOMIO 32:24

omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

2 Tesalonicenses 3:10

Echa roiko pépɨri yave, poyókuai körai: Kia nunga vae ñäteɨ oparavɨkɨ yave, agüɨye vi tokaru.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”