PROVERBIOS 13:20 - Biblia Guarani Tumpa Iñee

²⁰ Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

PROVERBIOS 13:20 ပူးပေါင်းရင်းမြစ်များ

GÉNESIS 14:12

Jare Lot, Abram tɨvɨ taɨ Sodoma pe oiko vae, oipɨɨ vi güɨraja reta opaete imbaembae ndive.

1 REYES 12:10

Jayave jókuae iyaveigua taɨrusu vae reta, jae ndive okuakuaa vae reta, jei chupe: —Körai ere kuae tëta pegua reta jei ndeve vae pe: Nderu ombojeiete yae ko oreve iporookuai, ërei nde embovevɨi mí kërai yepe oreve; körai emomiari reta: “Chepoäka raɨ imbaepuere yae ko cheru imbaepuere güi.

1 REYES 12:8

Ërei ngatu, jae oeya tenondegua reta yemboarakuaa omee tëi chupe vae, jare oiporu taɨrusu vae reta iporomboarakuaa, iyaveigua jae ndive okuakuaa vae reta, iyɨvɨrigua reta pe.

1 REYES 22:32

Jare sundaro ruvicha reta käretou ñeraro pegua reta oecha yave Josafat, oyemongeta reta jae ko Israel pegua mburuvicha guasu vae yave, jare oimama reta oñeraro vaerä jae ndive. Jayave Josafat osapúkai oiporu yemborɨ.

1 REYES 22:4

Jayave mburuvicha guasu oparandu Josafat pe: —¿Nekɨ̈reɨ pa reo che ndive ñaporepeña vaerä tëta Ramot re ɨvɨ Galaad pe? Josafat jei: —Che, jare opaete chesundaro reta jare kavayu regua reta, roï nde ndive, jare nderupiegua reta ndive.

2 CRÓNICAS 10:8

Ërei jae mbaetɨ oyapo tenondegua reta jei chupe vae, oparandu taɨrusu reta pe, jae iyaveigua vae reta pe, iyɨvɨrigua reta pe,

2 CRÓNICAS 19:2

Jare mbae re oecha voi vae Jehú, Hanani taɨ oë oövaiti jare jei chupe: “¿Maera pa remborɨ jeko kavimbae, reñemoïru güɨröɨro yandeYa vae reta ndive? Kuae jeko pegua yandeYa iyarasɨ ndeve.

2 CRÓNICAS 22:4

Oyapo ikavimbae vae yandeYa jesa róvai, Acab tayɨ iñemuña reta rami, echa tu omano yave jaɨkue rupi, jae reta omboarakuaa vae rupi ou oñemokañɨtei.

SALMOS 119:63

Oipoɨu ndegüi vae reta jare opaete jókuae ndeporookuai oyapo katu vae reta iñeïru ko che.

PROVERBIOS 13:19

Temimbota kavi oyembopo vae, oporomboyerovia ko, ërei yarakuaambae reta pe, ikaviä etei oeya vaerä ikavimbae.

PROVERBIOS 14:7

Eyembosɨrɨ kuimbae yarakuaambae güi, echa ngaraa reendu chugüi arakuaa.

PROVERBIOS 15:31

Yemboeta tekove pegua re oyeapɨsaka vae, oikota, yarakuaa vae reta ipɨte pe.

PROVERBIOS 22:24

Agüɨye eyemoinge iyarasɨ katu vae ipɨte pe, agüɨye eñemoïru iyarasɨ katu vae ndive;

PROVERBIOS 22:25

agüɨye vaerä reyemboe jeko re, jare reyeitɨ jókuae teko pe.

PROVERBIOS 7:27

Jëta jape, jae ko mano kotɨ oporogüɨraja vae.

PROVERBIOS 9:6

Peeya mo ïkotɨa pearakuaambae, jare peikoveta; peiko mo arakuaa katu rupi.”

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Hebreos 10:24

Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;