PROVERBIOS 13:2 - Biblia Guarani Tumpa Iñee

² Kia ñavo iñee kavi vae, oarɨ vota ikavi vae, ërei mborookuai oyapombae reta yogüɨrekota ikavimbae rupi.

PROVERBIOS 13:2 ပူးပေါင်းရင်းမြစ်များ

SALMOS 140:11

Kuimbae iñee kavimbae vae, ngaraa oiko kavi ɨvɨ pe; jupimbae oñemokañɨteiukata ikavimbae pe.

SALMOS 75:8

Echa yandeYa ipo pe güɨnoi kopa iyarasɨ pegua, jare vino jayasɨ rai yae oï. Jae opɨyere yave, opaete iyoa vae reta oɨuta jese, opaetei regua omotini.

PROVERBIOS 1:18

ërei jókuae kuimbae reta iyeupe aeño oñono ñuai, jekove aeño omoëgua reta mano pe.

PROVERBIOS 1:31

¡Ërei peiporarata ko jókuae pereko re! ¡Peyombogüeraita peyemongeta reta ikavimbae pe!

PROVERBIOS 10:11

Jupi vae iñee reta, tekove katu ko, ërei iyoa vae, oñemokïriiukata jeko pɨ̈chɨi pe.

PROVERBIOS 11:23

Jupi vae reta jemimbota ikavi vaeño ko; ërei iyoa vae reta oipota vae, oporomboarasɨuka vaeräño.

PROVERBIOS 12:14

Kuimbae iñee ka vi vae, jókuae jekoviata chupe, omboresiveta jembiapo reta oï rupi.

PROVERBIOS 18:20

Kuimbae iñee reta, jókuae jekoviata chupe, yangapɨɨ ta iñee reta rupi.

PROVERBIOS 18:21

Ñee güɨnoi mbaepuere, mano peguarä jare tekove peguarä, iñee omoë vae, jókuae jekoviata chupe.

PROVERBIOS 4:17

¡Echa ikavimbae pe oyemoembíu etei reta, jare pɨarai pe oyemboɨgua etei reta!

OSEAS 10:13

Ërei pe reta peñotɨ ikavimbae, jare pearɨvo jupimbae, peapu jeko pegua peiporara. Peyerovia pekäretou reta ñeraro pegua re, jare jeta sundaro re ramo,

HABACUC 2:17

Ɨvɨtɨ Líbano pe opa remokañɨtei ɨvɨra jare mɨmba vae, oyerovata ndeve jare rekɨɨyeta mɨmba pochɨ vae güi rami. Kuae outa reporoyuka jeko pegua, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

HABACUC 2:8

Echa nde repɨ̈ro jeta mbaembae tëtaguasu reta güi, jáeramo tëtaguasu reta jembɨregüe oyomboatɨta ndekotɨ, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”