PROVERBIOS 13:11 - Biblia Guarani Tumpa Iñee

¹¹ Mborombotavɨ rupi oyemboikokatu jarembae vae güi, jarembae opa yeta; ërei iparavɨkɨ rupi omboatɨ mbegüe mbegüe vae pe, oñemoïruta.

PROVERBIOS 13:11 ပူးပေါင်းရင်းမြစ်များ

JOB 20:15

Omogüëe mbaeyekou omokoigüe, Tumpa güɨnoe jɨe güi.

SALMOS 128:2

Reu ndeparavɨkɨagüe yave, reyeroviata ko jare reiko kavita.

PROVERBIOS 10:2

Ikavimbae rupi oyemboikokatu vae, ngaraa oyekou kavi, ërei jupi rupi oiko vae, oyereroasayepeta ko mano güi.

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

PROVERBIOS 13:12

Mbae oñeäro vae oväe raivimbae vae, oporombopɨatɨtɨ yae, ërei oyembopo vae, oporomboyerovia.

PROVERBIOS 20:21

Jupimbae reve oyemboikokatu jarembae pegua vae, taɨkue rupi ngaraa oime yerovia jese.

PROVERBIOS 21:6

Apu rupi mbaeyekou reta oyeapo vae, jae ko michi pegua oporomboyerovia vae mano oeka vae reta peguarä.

PROVERBIOS 28:20

Kuimbae mbaetɨ teko oñeväe jese vae, oikota mborerekua rupi; ërei oipota jarembae pegua oyemboikokatu vae, ngaraa opɨta jekombae.

PROVERBIOS 28:22

Imbaepotarai vae, oipota jarembae pegua oyemboikokatu, ërei mbaetɨ oikuaa oikota ko mbaravete rupi vae.

PROVERBIOS 28:8

Mbae re oasa ete okovara vae rupi oyemboikokatu vae, omboatɨ ko, jókuae paravete vae re iporoparareko vae peguarä.

ECLESIASTÉS 5:14

echa mbaetɨ yave oyeporu kavi, ipuere opaetei okañɨ, jare imichia reta peguarä mbaetɨ eteita mbae opɨta.

JEREMÍAS 17:11

Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.