PROVERBIOS 11:4 - Biblia Guarani Tumpa Iñee

⁴ Tumpa iporojäa iara pe, mbaeyekou reta ngaraa etei oporoepɨ; ërei mbae jupi vae oporoepɨta ko mano güi.

PROVERBIOS 11:4 ပူးပေါင်းရင်းမြစ်များ

GÉNESIS 7:1

Jaɨkue rupi yandeYa jei Noé pe: “Eike nde jare opaete ndero pegua reta ndive arca pe. Echa aecha ndeño jupi reguata cheróvai opaete vae reta güi.

JOB 20:28

Jo pegua mbaembae reta opata oyereraja, opata oñemoai moai Tumpa iyarasɨ iara pe.

PROVERBIOS 10:2

Ikavimbae rupi oyemboikokatu vae, ngaraa oyekou kavi, ërei jupi rupi oiko vae, oyereroasayepeta ko mano güi.

PROVERBIOS 12:28

Tape jupi vae jae tekove pegua, jokoropi mbaetɨ mano.

PROVERBIOS 6:34

Echa kuimbae jägüɨro vae iyarasɨ yae ko, ngaraa iñɨ̈ro iyepɨ iara oväe yave;

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

EZEQUIEL 14:14

Ërei jókuae ɨvɨ pe yogüɨreko yave Noé, Daniel jare Job, jae retaño ko oasayepeta jupi yogüɨreko ramo. Che ndeYa Tumpa ko jae kuae.

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

San Lucas 12:20

Ërei Tumpa jei jókuae kuimbae pe: ‘Yarakuaambae, kuae pɨ̈tu remanota. Jayave opaete mbaembae reñovatu vae ¿kia peguarä pa?’ ”

Romanos 5:17

Echa mano güɨnoi mbaepuere opaete vae re metei kuimbae iyoa jeko pegua, ërei omboresive ipɨakavi jare oyembojupiuka vae reta oasa ete yeta güɨnoi mbaepuere tekove pɨau pe Jesucristo rupi.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.