PROVERBIOS 11:20 - Biblia Guarani Tumpa Iñee

²⁰ YandeYa güɨröɨro ko iyemongeta kavimbae vae reta, ërei ipɨakatu omae, jeko kavi vae reta re.

PROVERBIOS 11:20 ပူးပေါင်းရင်းမြစ်များ

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

SALMOS 101:4

Tambosɨrɨ cheyeugüi yemongeta ikavimbae, ¡agüɨye taikuaa jeko kavimbae vae!

SALMOS 11:7

Echa yandeYa jupi vae ko, oaɨu mbae jupi rupi oyeapo vae. ¡Jupi rupi oiko vae oechata jova!

SALMOS 119:1

Oyerovia ko, jupi rupi yogüɨreko vae reta, yogüɨreko yandeYa iporookuai rupi vae reta.

SALMOS 140:13

Añetete, jupi vae reta omeeta mbaemboete ndeve, isɨmbi rupi yogüɨreko vae reta, yogüɨrekota nderóvai.

SALMOS 51:6

Mase, nde reaɨu yae ko ipɨa jupi vae; jare reñono cheɨvɨte pe ndearakuaa katu.

PROVERBIOS 11:21

Jeko kavimbae oiporara ñotai ko, ërei jupi vae iñemuña reta oasayepeta.

PROVERBIOS 12:22

Yapu imiari vae, pɨ̈chɨi yae ko yandeYa pe, ërei oyerovia katu omae, añetete rupi imiari vae reta re.

PROVERBIOS 13:6

Mbaejupi oñovatu, kuimbae jupi rupi kavi oiko vae; ërei ikavimbae omokañɨtei, kuimbae iyoa vae.

PROVERBIOS 14:9

Yarakuaambae reta, iyoa yave opuka pukaño; ërei jupi vae reta, ipɨakatu oyoe.

PROVERBIOS 15:26

YandeYa pe ikaviä yae ko, jeko kavimbae iyemongeta reta, ërei omboyerovia, jeko kavi vae reta iñee kavi.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 16:17

Jupi vae reta jeko, jae ko osɨrɨ vaerä ikavimbae güi; oyangareko jeko re vae, jekove re ko oyangareko.

PROVERBIOS 21:29

Jeko kavimbae, oyembopɨa täta, ërei sɨmbi rupi oiko vae, teko kavi rupi oiko.

PROVERBIOS 3:32

echa yandeYa güɨröɨro ipɨapochɨ vae, ërei oï jupi vae reta ndive.

PROVERBIOS 6:14

ipɨa ikavimbae kotɨño, oyemongeta oyapo avei vaerä ikavimbaeño jare oporomoñorarouka.

PROVERBIOS 8:13

YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

PROVERBIOS 9:7

Oporoyóyai yóyai vae omboarakuaa vae, oñemomaraiukata ko; iyoa vae pe omboeta vae, oyapo ko iyeupe tovaicho.