PROVERBIOS 10:15 - Biblia Guarani Tumpa Iñee

¹⁵ Oikokatu vae imbaeyekou, tëta guasu jëguambae rami ko chupe; ërei paravete vae isusere jae ko mbaravete.

PROVERBIOS 10:15 ပူးပေါင်းရင်းမြစ်များ

SALMOS 49:6

Imbaembae reño oyeko vae reta, jare jeta yae imbaeyekou re oyemboete vae reta,

SALMOS 52:7

“Mase, ko kuimbae mbaetɨ Tumpa re oyeko vae, mbaeyekou jeta güɨnoi reño güɨrovia katu, jare oiko jeko kavimbae peño.”

PROVERBIOS 14:20

Paravete vae, ivɨa-ïru ave ko omotareɨ; ërei oikokatu vae, jaɨúa yae ko.

PROVERBIOS 18:11

Oikokatu vae imbaeyekou, tëta guasu jëguambae rami ko chupe; metei tëta guasu ikësea ɨvate yae vae rami ko chupe.

PROVERBIOS 19:7

Paravete vae, jëtara ete ave omotareɨ yae, ¡vɨtei pa ivɨa-ïru reta, opa tai ko oyembosɨrɨ chugüi! Oeka tëi kia ndive imiari vaerä yave, mbaetɨ oväe.

ECLESIASTÉS 7:12

Echa arakuaa katu oporoepɨ vi ko korepoti rami, ërei arakuaa oyapɨraa yé korepoti, echa omee tekove katu jókuae arakuaa güɨnoi vae pe.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

San Marcos 10:24

Jemimboe reta ipɨakañɨ Jesús jei vae re. Ërei Jesús jei ye: —Cheraɨ reta, yavai yae ko mbaeyekou re oyeko vae reta oike vaerä Tumpa iporookuaía pe.

San Lucas 12:19

Jayave che jaeta cheyeupe: ‘Jeta yae mbae renoi, oupitɨta ɨma año pegua. Eputuu, ekaru, ekau jare eyerovia.’

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.