PROVERBIOS 10:13 - Biblia Guarani Tumpa Iñee

¹³ Yarakuaa vae reta iñee pe oime arakuaa katu; ërei chikote ko mbaetɨ oyemongeta kavi vae reta peguarä.

PROVERBIOS 10:13 ပူးပေါင်းရင်းမြစ်များ

SALMOS 32:9

Agüɨye eiko ndearakuaambae kavayu rami ani mburikaguasu rami, echa kuae reta, kayurupegua jare itïguaa jeia reño yogüɨreko; echa kuaembae reve, ngaraa oya nderé.”

SALMOS 37:30

Jupi vae, iñee omoë yarakuaa katu reve, imiari jupi rupi.

ÉXODO 10:12

Jayave yandeYa jei Moisés pe: —Emopüa ndepopoka ɨvɨ Egipto re, ou vaerä tuku reta opaete tëta guasu Egipto re, opa vaerä jou opaete amandau oyukapambae.

PROVERBIOS 10:21

Jupi vae reta iñee rupi omborɨ jeta vae, ërei iyarakuaambae reta omano, mbaetɨ iyarakuaa jeko pegua.

PROVERBIOS 10:31

Jupi vae iyuru güi oë arakuaa katu, ërei iñee pɨ̈chɨi vae güi oyeasɨata ikü.

PROVERBIOS 15:23

¡Kuimbae omboyevɨ mbarandu vae, oyerovia, vɨtei pa iara pe kavi omboyevɨ yave!

PROVERBIOS 15:7

Yarakuaa vae reta, omoai arakuaa iñee rupi; ërei yarakuaambae reta, mbaetɨ jökorai.

PROVERBIOS 16:21

Iyarakuaa vae, jae ko yarakuaa katu vae; ñee yeaeä, omoïru arakuaa katu.

PROVERBIOS 17:10

Yemboeta, ikavi yae yarakuaa katu vae pe, yarakuaambae re cien chikote oyeporu vae güi.

PROVERBIOS 19:29

Tembiporara, oäro oï oporoyóyai yóyai vae reta; jare chikote ko, iyarakuaambae reta peguarä.

PROVERBIOS 20:15

Oime oro jare jeta ita ipöra vae, ërei yarakuaa reve kavi imiari vae ko ikavi yae ete.

PROVERBIOS 26:3

Tarero, kavayu peguarä ko, mɨmba itïguaa, mburika peguarä ko; jare chikote, yarakuaambae peguarä.

PROVERBIOS 27:22

Yarakuaambae güi ngaraa mai oyeekɨ jókuae iyarakuaambae, yepe tëi oyeapaso yeyé angúa pe.

PROVERBIOS 6:32

¡Menda re oyuvanga vae mbaetɨ ko iyarakuaa! ¡Jökorai oiko vae, jae aeño ko oñemokañɨtei!

PROVERBIOS 7:22

jaema voi oguata jupíe: Metei guaka oyereraja mbaeyukaa kotɨ rami, metei iyarakuaambae ojo tembipɨɨrɨru pe oñenupa vaerä rami,

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?