PROVERBIOS 1:9 - Biblia Guarani Tumpa Iñee

⁹ echa ndeve ikavi yae vaerä ko: Ipöra yaeta mboɨ rami ndeayu re, ani äka-regua rami neäka re.

PROVERBIOS 1:9 ပူးပေါင်းရင်းမြစ်များ

GÉNESIS 41:42

Jayave Faraón oekɨ ipoäka güi moäka-vera oñono José ipoäka re, jare omboemimondeuka temimonde tïiasɨ yae vae pe jare oñono mboɨ oro pegua iyayu re.

SALMOS 73:6

Jáeramo, ipɨapochɨño ombotenonde reta, oyemonde rami reta pɨarai pe.

PROVERBIOS 3:22

echa jese ko renoita tekove, ndemboaruandata, mboɨ ndemboaruanda rami.

PROVERBIOS 3:3

Agüɨye etei embosɨrɨ ndeyeugüi mboroparareko jare añetete vae; eñapɨti ndeayu re, jare eñovatu ndepɨa pe.

PROVERBIOS 4:9

¡nemopörata, mbae ipöra yae vae pe; äka-regua ipöra vae omeeta ndeve!”

CANTARES 1:10

¡Nderova omboaruanda nenamicha reta! ¡Ndeayu omboaruanda ndepoɨ reta!

CANTARES 4:9

Reipɨɨ chepɨa chegüi chereindɨ, chemenda ïrurä vae; metei remae cherea peño, reipɨɨ, jare jókuae ndeayu regua rupi.

ISAÍAS 3:19

mboɨ reta, namicha reta, yɨva regua reta,

JEREMÍAS 35:8

Jare ore reta royapo oreñemuñagüe Jonadab, Recab taɨ jei vae, mbaetɨ etei rou vino, ore jare orerembireko reta, oreraɨ reta jare orerayɨ reta,

EZEQUIEL 16:11

romopöra mbae jepɨ vae pe, yɨva regua añono ndeyɨva re, jare mboɨ ndeayu re;

DANIEL 5:16

Che aendu nderegua, kërai ndepuere reikuaauka oipotagüe mbae ko oipota jei vae, jare reñono kavi yemboavai reta. Añave ndepuere remongeta cheve kuae oyekuatiagüe jare reikuaauka mbae ko oipota jei vae yave, reyemondeukata temimonde pɨ̈taasɨ vae mburuvicha pegua pe, jare mboɨ oro pegua reñonota ndeayu re, jare reïta mboapɨa mburuvicha guasurä mborookuaía pe.

DANIEL 5:29

Jayave Belsasar omondo omboemimondeuka Daniel temimonde pɨ̈taasɨ vae mburuvicha pegua pe, jare oñonouka iyayu re mboɨ oro pegua, jare omoërakuauka jae ko mboapɨa mburuvicha guasu jókuae mborookuaía pe vae.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.