PROVERBIOS 1:7 - Biblia Guarani Tumpa Iñee

⁷ Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 1:7 ပူးပေါင်းရင်းမြစ်များ

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 111:10

YandeYa güi yaipoɨu vae re ko oï arakuaa katu; yarakuaa katu ko, opaete oyapo yandeYa iporookuai reta vae. ¡Tumpa oyemboete aveita ko!

PROVERBIOS 1:22

“Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

PROVERBIOS 15:32

Yembosɨmbi güɨröɨro vae, jae aeño ko oñereröɨro; ërei yembosɨmbi oendu vae, yarakuaa katu ko.

PROVERBIOS 15:33

YandeYa güiño yaipoɨu vae, yandemboe arakuaa katu re; yayemboeteuka vaerä, tenonde ikavi ko ñañemomichi.

PROVERBIOS 15:5

Yarakuaambae, güɨröɨro tu iporomboarakuaa; ërei yemboarakuaa oendu vae, yarakuaa katu ko.

PROVERBIOS 18:2

Yarakuaambae, mbaetɨ omomora yemboarakuaa katu; oikuaagüe reño oipota oiko.

PROVERBIOS 2:5

Jayave reikuaata kërai ko yaipoɨu yandeYa güi vae; ¡reikuaata kërai ko Tumpa yaikuaa vae!

PROVERBIOS 23:9

Agüɨye emboarakuaa yarakuaambae, echa güɨröɨrota ko ndeyemongeta kavi reta.

PROVERBIOS 9:10

Arakuaa katu jae ko yandeYa güi yaipoɨ u vae; Iyoambae yaikuaa vae, jae ko arakuaa katu.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’