PROVERBIOS 1:6 - Biblia Guarani Tumpa Iñee

⁶ Yaikuaa vaerä ñee arakuaa pegua reta yarakuaa vae reta güi, ñee reta mbae re ombojaanga vae, yaikuaa vaerä mbae oipota jei vae.

PROVERBIOS 1:6 ပူးပေါင်းရင်းမြစ်များ

SALMOS 49:4

Ayeapɨsakata ñee arakuaa katu pegua re; arpa ipu ndive jaeta, mbae yavai yae yaikuaa vae.

SALMOS 78:2

Chemiarita ñee arakuaa pegua; chemiarita mbae oñemi oiko arakae güive vae re.

PROVERBIOS 24:23

Kuae reta, jae vi ko yarakuaa vae reta iñee arakuaa pegua: Ñeapoa pe oporojäa vae reta oporoparavoño yave, mbaetɨ etei ko jaekavi.

ECLESIASTÉS 12:11

Yarakuaa vae reta iñee ko ɨvɨra jakuaroviasɨ vae rami, jare clavo oyekutuasɨ mbae re vae rami ko oporomboe vae reta iñee.

DANIEL 8:23

Kuae mburuvicha guasu reta iporookuaía opa ma iyapɨ imbaepuere yave, jare teko ikavimbae reta jeiete yae ma yave, metei mburuvicha guasu iporomboetembae vae, ipoki yae mbae yavai yae oyapo kavi vae oguapɨta mburuvicharä.

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

San Marcos 4:11

Jayave Jesús jei chupe reta: “Amombeu ma peve Tumpa iporookuaía regua peikuaambae vae. Ërei ïru vae reta amboe ambojaanga reve.

San Marcos 4:34

Jare mbaetɨi imiari chupe reta ombojaangambae reve. Ërei jemimboe reta pe oikuaauka kavi mbae oipota jei vae jaeiño ñogüɨnoi yave.

Hebreos 5:14

ërei tembíu täta vae ko okuakuaa vae reta peguarä, oikatu ma omboyoavɨ ikavi vae ikavimbae güi vae reta peguarä.

2 Pedro 3:16

Jare opaete jembikuatía pe omombeu jókuae re. Amo pe yavai yaikuaa vaerä, jare amogüe vae oikuaambae vae jare ipɨ̈ratambae iporogüɨrovia pe vae güɨrova, jaeramiño vi güɨrova ïru Tumpa Iñee jae reta aeño oñemokañɨtei vaerä.